الســ عليكم ورحمة الله وبركاته ــلام ..
أزيكم يا بنات دي بعض الحلول ليكم (ربنا معكم )
هأقولك كم طريقه تحرق دم أو تودي في داهيه أي حد بيعكسك
ما هو زمن اغبر بعيد عنك يا أختي تكوني ماشيه في حالك لا بيكي ولا عليكي يطلعك
الواد زي عفريت العلبه ويقعد يعاكس ويقرفك يعني زي الزقه مش بيهمد طبعاً دول
بنشفهم في الأسواق والطرقات العامة والحدائق
فمثلا إذا صادفت واحد من الي بيعاكسو ويالهوووووي لو كان
من المراهقين والي لسى بياخد مصروفه من باباه وكمان وزنه زي الريشه
يعني يجي حوالي 40 كيلو وحاول يديكي رقم الموبايل بتاعه وكنتي في طريق
فرعي مافهوش زحمه ناس تعملي إيه ؟؟؟؟ أنا أقلك تعملي إيه
أولا حانصحك بحاجه وبعد كدا أقلك تعملي معاه إيه : :
لازم طبعا تتفرجي على مباريات المصارعة الحرة وتتعلمي منها كام حركه منيله علشان تبطشي
بأي حد يعاكسك لو كنت مش بتحبي تتفرجي على المصارعه اشتركي في نادي وتعلمي لعبه
الكارتيه ولا الجودو زوئيه على الأرض طبعا حاترميه على الأرض بعد ما تديه ضربه من كوعك
ترديه طريحاً على الأرض وياريت تكون ضربتك له ضربه مخلبيه وتخنقيه شويه بس أوعي تتكي
على زمارة رقبته لا يفطس في أيدك بعد ما يكون متكوم على الأرض ضعي رجلك اليمين على
بطنه علشان تحل البركه ورجلك اليسار استخدميها لتثبيت اديه بعد كدا اقلعي جزمتك
وطاااااااخ ومنين يوجعك لحد ماطلعي البلا على جتته بس ياريت يكون لون الجزمه
فاتح علشان ما تعمليش في وشه علامات فارقه يعني خليكي حنينه
**************
طيب لو قبلتي النوعيه دي مثلاً في حديقه او كافتريا او كازيتو تعملي إيه الاول لو كان جاي بعربية
ياسلام تبئى كملت تجيبي مسمار وياريت يكون كبير وتعالي جنب عربيته ورسمي على الأبواب
وشنطه العربيه لوحه تستاهل تتحط في متحف الشمع في فرنسا من حلاوتها يعني بعد ما ترسمي
على العربيه بأديكي الي تتلف في حرير مش هيبان لون العربية الأصلي وياحلاوته لو كانت
العربية لصحبه او أبوه او مأجرها ياخرابي حاتطلع عنيه في تصليح ما أفسدته عميله السوده
**************
طيب لو قبلتيه مثلا في السوق اقولك تعملي إيه تخليه يمشي وراكي لحد ماتورم رجليه وتشوفي
لسانه طالع لبرا 30 بوصه من التعب ووشه بئى زي الطمطمايه من التعب خدي رقم الموبايل
والبيت وماتنسيش كمان اسمه وروحي حالاً لمكان السفارة الأمريكية وكتبي رسالة تهديد
بوجود قنبلة في السفارة وانك فاعلت خير وان الي عملها واحد وتقولي اسمه وتكتبي رقم الموبايل
بتاعه ورقم بيته وسيبي الباقي على لرجال الضفادع البشرية وحرس الحدود ورجال الأمن وكل
من له صلة سوف يقومون بتغيير معالم وجهة وبقول احتمال البنتاجون يبعتو قوه من الكوماندوز
تقبض عليه ويبئى يخلي المعاكسات الي قرف بيها بنات الناس تنفعه طبعا حليني بئى لحد مايثبت
انه مالهوش دعوه بالتهديد ده وانه بريء لانه حايكون متهم لحد مايثبت العكس وربنا لا يوركم
بعد مايخرج احتمال يتخرس عن الكلام خالص او يجيله حول أو كساح أو شلل أطفال أو تلاقيه سارح في ملكوت الله
********************
فيه طريقه تانيه بعد ماتخدي رقم الموبايل بتاعه ورقم بيته تروحي اقرب إدراره لمكافحه المخدرات
واكتبي العبارة التالية:
(( كمية حشيش للبيع بسعر مغرى لعدم التفرغ ))
للحجز أو الاستفسار أرجو الاتصال على صاحب الرقم التالي وكتبي بقه رقم الموبايل ورقم البيت وأسمه
وبعد كدا ربنا يتولاه برحمته
منقوووووووووووووول
يارب يعجبكم وتنفذوا
الأحد مايو 20, 2007 12:06 am
