:::..حدوتة..:::

حدوتة


وتوته توته ...

بديت الحدوتة...

كان فيه زمان قلب صغير..

يبني القصور من قش..

يصقف مع كل زغروته..

لا خاف يوم ولا كش..

من حواديت ستُّه .. ستوته...

يتشاقى ورا عربية رش..

يتشعبط على شجرة توته...

وكبر القلب ..بعد ما كان هش...

وفي يوم... شاف قطة زغنتوته..

طار..... وقلبها في قلبه خش...

بشقاوة شِعر .... وعين عكروته...

والقلب في القلب عش....

وكتاب ..وفرح... وشربات...وفروته...

تعبوا كتير عشان القرش....

وهد حيلهم .. لم البنكنوته..

لكن غير برسيمك ما تحش...

حتى لو كانت ترعتك مفلوته...

وبنوا مع بعضهم العش...

وزادوا الولد... والبنوته...

وعاشوا حياه.. ما فيها غش...

فيها ضحكة ...ودمعة مكبوته...

وتتمدد الأرض ... وتكش..

ولكل نبي... بنوته....

الخطأ في البشر ... وماتقولش....

دي في حكم الانبيا مثبوته...

و م الحرم يبعد بكاك ما ترجعش...

إلا كأن الروح من الجسم مسلوته...

والرحمن عن الذنب والتوبة... ما يغفلش...

والكل عايش تحت ملكوته...

ويحاول الشر ..يدخل العش...ما ينجحش...

وصارت غنوه من غير تقاسيم ولا نوته...

لكن شياطين الإنس ما بتسلّمش...

وحالفة للحب الكبير على موته...

وان عقلك يا قلب ما بيشتغلش...

بدري..حتكتب نهاية الحدوتة...

حلوة... ولا ملتوته...!

جمبله جدا جدا جدا

ويلكم بااك

ومستنين بقيت المواضيع

متتاخرش علينا