..:: يوميات ابو لمعه والخواحه بيجو ::..

ابو لمعه قابل مذيعه قالت له انا سمعت عن بطولاتك فى الحرب قالها طبعا ابو لمعه يسد فى كل مكان فى 48 واليمن و 67 و 56 و73 والعراق قالت المذيعه طب هأسألك كام سؤال


لو انت فى الحرب وطلع عليك دبابتين ومعاك قنبلتين هتعمل ايه


هادخل عليهم وأفجرهم


طيب لو خمسه هادخل عليم بالسلاح الأبيض طيب لو اربع دبابات و عشر عساكر وطيارتين قالها


جرى ايه يا وليه هو مفيش حد بيحارب غيرى


================================================== ===================================


مرة برضة الخواجة بيجو حب يفشر على ابو لمعة فقال له: احنا فى اتينا عندنا مكن كبير تحط البقر من ناحية يطلع بلوبيف من الناحية التانية ابو لمعة قال له طيب وايه يعنى حصلت يا خواجة الخواجة قال له طيب عندنا مكن تخط فيه البولوبيف من ناحيه يطلع بقر من الناحية التانية قال له ابو لمعة احنا بقى عندنا فى مصر بقر تأكله بلوبيف من ناحية يطلع مكن من الناحية التانية!!!


================================================== ===================================


مرة الخواجة بيجو حب يفشر على ابو لمعة فقال له : انا مرة كنت راكب القطر بتاع اثينا وماشى على سرعة 120 كيلو ببص على المحطة لقيت بابادوبلوس ابن عمتى واقف على المحطة نطيت من القطر وبسته من هنا ومن هنا ونطيت فى القطر حصلت اخر عربية.ابو لمعة قال له : حصلت يا خواجة انا كنت راكب الديزل بتاع اسكندرية وماشى على 140 كيلو ببص لقيت اخويا شلبى بالجلابية الدبلان المخططة على احمر قمت ناطط وبوسته من هنا ومن هنا حلف عليا لاشرب شاى قعدت معاه حلف لاتغدى القصد اتغديت واتعشيت وهوب نطيت حصلت اخر عربية.


الخواجة قال: ياربونا بقى تنط وتشرب معاه الشاى وتتغدى وتتعشى وتنط تحصل القطر هوهو. ابو لمعه قال له الكدب خيبة ماطلعش هو .....طلع القطر اللى قبله!!!


================================================== ===================================



مرة الخواجة بيجو بيقول لأبو لمعة: الماما بتاع الانا كان مربى 2 ديك رومى عشان الكريسماس وقعدت تأكلهم لما بقوا زي الخروف لدرجة انه كان بتفكر تدبخ واخد بس فى العيد.ابو لمعة قال له : طب وايه يعنى ما انا مرة اشتريت خروف عشان العيد الكبير وقعدت اأكله لحد مابقى قد الفيل لدرجة لما جه العيد كنت بافكر ماأدبحوش كله!!!


================================================== ===================================





أبو لمعه والخواجه بيجو بيتكلموا فى الموسيقى رد الخواجه بيجو على أبو لمعه وقاله : ايه فهمك انت فى الموسيقى رد أبو لمعه وقاله: يا خواجه انا موسيقار كبيرأوى انت مسمعتش عنى قاله يعنى شايكوفسكى يا خبيبى يعنى قاله شايسكوفسكى مين يا خواجه أكبر بكتير الخواجه اتغاظ و قال للأبو لمعه ما هو بص بقه يا خبيبى بعد بيتهوفين مفيش رد أبو لمعه و قاله عليك نور يا خواجة أهو انا بقى مفيش .





ابو لمعة : شوف يا خواجة، وانا فى آخر رحلة ليا

فى الاسكيمو، كنت لابس الجلابية الدبلان

المخططة بتاعة اخويا شلبى، ومقيّل تحت شجرة

جيلاتى ! بيني وبينك انا نمت وانا مفتح بقى

علشان اول ما حتة جيلاتى تستوى، تقع فى بقى

على طول، بس لجل البخت الاسود، تعبان شاف

بقى مفتوح افتكره جحر راح داخل فيه





الخواجة بيجو: دا اكيد تعبان صغير بقى اللى عرف

يدخل فى بقك ده





ابو لمعة : صغير مين يا خواجة، ده طوله 700 متر

!


الخواجة بيجو : يا سلام، دخل التعبان اللى طوله

700

متر فى بقك وانت نايم من غير ما تحس ولا

تصحى؟




ابو لمعة: لأ ما انا صحيت فى نصه كده، لقيت ده

داخل فى بطنى قعدت اشد فيه وهو يتزفلط اشد

فيه وهو يتزفلط، لحد ما دخل كله جوه بطنى

!


الخواجة بيجو : يا خبر ابيض، وعرفت تطلعه؟




ابو لمعة : ابدا وحياتك، عملت البدع علشان اطلعه

ما فيش فايدة، آخر ما غلبت رحت قالع ونازل له

!


الخواجة بيجو : نازل له فين؟



ابو لمعة : فى بطني ! وهو شافنى نازل راح

واخد ديله فى سنانه وطالع يجرى، وانا وراه

يدخل يمين ادخل وراه، يدخل شمال برضه وراه،

لحد ما وصل بيت الكلاوى، راح داخل البيت وقفل

الباب على نفسه

!


الخواجة بيجو : طبعا ماعرفتش تدخل وراه ورحت

مروّح
.



ابو لمعة : لأ، اروّح ازاى، انت عارف تحت بيت

الكلاوى فاتح واحد حلاق، قلت اخش اخد دقنى

واستنى التعبان لما يخرج، نص ساعة كده ولقيته

مطلّع راسه من الباب، بص يمين بص شمال

ماشافنيش راح متسحب خارج، رحت خاطف

الموس من ايد الحلاق وهاجم على التعبان،

شوف يا خواجة، هى ضربة واحدة بالموس

قسمته نصين

!


الخواجة بيجو : بضربة واحدة قسمت التعبان الـ700متر؟



ابو لمعة : بالطول وحياتك

الخواجة بيجو قرر انه لازم يفشر زى ابو لمعة فقال: اسمع خبيبي احنا عندنا فى اتينا واخد خرابة كبير جنب البيت بتاع اخنا انا رخت الشغل ورجعت لقيت عمارة كبير عشرة دور مبنية فى الخرابة. ابو لمعة قال له : طب وبعدين الخواجة قال : خلاص الفشرة خلصت ,قام ابو لمعة قال له: ربنا ما يحرمكش من العبط ...حصلت ياخواجة, احنا جنب بيتنا فى خرابة برضه انا رحت الشغل ورجعت لقيت عمارة ييجى خمسين دور مبنية فيها والعفش عمال يترمى من الشبابيك. الخواجة قال له: عفش اية دا؟ ابو لمعة قال له : بتاع السكان اصل بقالهم 3 شهور ما دفعوش الايجار


الخواجة بيجو حب يفشر على ابو لمعة فقاللو تعرف خبيبي انا مرة دخلت قفص الأسد ودلقت ف وشه جردل ميه
ابو لمعه:اتاري ايدي اتبلت لما ضربته بالألم



ابو لمعة تعرف يا خواجة بيجو ان قبل كدا كنت رايح اصطاد غزال ومكنش معايا غير طلقة واحدة ولقينت غزالة واقفه تحت
شجرة وواقف على الشجره صقرين فطخيت الصفرين وقعوا على الغزالة موتوها وانا ماشي بالمركب الخواجة بيجو:مركب ايه يا خبيبي ابو لمعة ماهو اصل انا كنت ف الميه في اسكندرية لقيت الغزاله بعد م ماتت رفست صقر وقع في المركب خرمه والمركب غرقانا غطست في الميه من ولقيت الحيتان اتلمت عليا الخواجة بيجو :طب وعملت ايه ابو لمعة ابدا ياخواجة رحت ماس الصقر وكل ميقرب من حوت اروح دابب الصقر في بطنه يروح ميت الخواجة بيجو: وبعدين ابو لمعة ابدا ياخواجة اتغليت الفرصة ورحت ماسك واحد من الحيتان وقعدت اشفط شوية سمك طلعت بالحوت عالشط وفضيت السمك اللي في بقة في شنطة العربية ومسكت الغزارة حطيتها في الكرسي الوراني وروحت وانا ماشي في الطريق الصحرواي لقيتك بتوع نينجا واقفين قدامي رحت مطلح الحوت من شنطة السيارة الخواجة بيجو: انت مش رميته في البخر ابو لمعة ملنل جمعت السمك في بعضه وبقا حوت المهم شيلت الحوت على اكتافي ومسكت الصقرين في اديا وركبت على الغزالة وكل ميقرب من واحد الطشه بالحوت واددب الصقر ف رقبته المهم موتهم كلهم وان طالع الطيارة قالولي الحمولة تقيلة رحت حادف بتوع النينجا والحيتان اللي كانت في البحر الخواجة بيجو:وبعدين ابو لمعة ابدا روحت القاهرة عشان ازور ابن عمي

ههههههههههه

طبعا مش ابو لمعه السكره

ميرسى على مروركم يا جماعه نورتوا التوبيك

ميرسى كريزى على ردك نورت التوبيك والله