اختارلك موتة حلوة

عاوز تموت شهيد ؟
ياتعدي شارع فيصل ....... ياتسوق على الدائري بالليل

عاوز تموت م الجوع ؟

ياتتجوز بنت حلوة غاويه نيو لوك .ياتسافر تعمل شوبينج في لبنان

عاوز تموت م الحسره ؟

ياتتفرج على جلسات مجلس الشعب ....يا تتناقش مع ابنك في القيم والأخلاق

عاوز تموت م الغيظ ؟

ياتتفرج على افلام اليوميندول ياتتفرج على قنوات الفيديو كليب

عاوز تموت م الزهق ؟

ياتدخل على النت من التليفون .... ياتستنى دورك في عيادة الدكتور الكبير من غير واسطة

عاوز تموت من الهبل ؟

ياتسمع الأغاني الشبابية .......... ياتسمع برنامج شبابيك في دريم

عاوز تموت مخنوق ؟

ياتروح تجدد رخصة العربية ......... ياتتفرج على الفضائية المصرية

عاوز تموت مفروووس ؟

ياتتفرج على اعلانات التليفزيون . ياتتفرج على ستار اكاديمي

عاوز تموت مرعوووووب ؟

ياتسأل على سعر الشالية فيمارينا ....... ياتروح تحلل المياة الى بنشربها

عاوز تموت مشهور ؟

ياتغني وصوتك وحش ............ ياتعمل نفسك سفاح المعادي

عاوز تموت مليونير ؟

يا تدي دروس لثانوية عامة ........... . ياتنتج فيلم لهيفاء وهبي

عاوز تموت ورا الشمس ؟

ياترشح نفسك في انتخابات الرئاسة ............ ياتشتم في الحزب الوطني

عاوز تموت متنكد؟

ياتتفرج على قناة الجزيرة ....... ياتحاول تفهم إيه إلى بيحصل في العراق

عاوز تموت م الحزن ؟

ياتفكر في أفضل وسيلةللإستفادة من مرتبك... ياتقنع ولادك بالمذاكرة والتفوق

عاوز تموت ف حالك ؟

بطل تعترض على البالي بالك

منقول

هههههههههه عندك حق والله
ميرسي ليكي ياقمر

ههههههههههه كلام جامد بجد

تسلم ايديكى

هههههههههههههههههههههههههههههههههههههههههههههههه
بجد بجد الاواحد طول ما هو عايش هيموت كل يوم من اللى بيشوفة فى الزمن دة