بليييييييييز ردو عليا بسرعه

انا عندى مشكله و محتاجه حل بسرعه
انا الاول بنت و عندى 19 سنه الا كام شهر
من سنتين تقريبا اتعرفت على واحد انا كنت اعرفه من قبل كدا لكن ابتديت اتعامل معاه كتير وفى الوقت ده كان عندى مشاكل جامده وهو اكتر واحد وقف جنبى و بقى بالنسبالى كل حاجه و كنت مستعده ابيع الدنيا كلها علشانه .فى الاول كنت متصوره انه بالنسبالى اخ لكن اكتشفت انى بحبه وانا متاكده اننا مستحيل نكون حاجه تانيه غير اخوات لاسباب كتير منها انه مش بيحبنى و انه فيه عيوب انا مقدرش اتقبلها
انا دلوقتى مش عارفه اعمل ايه و لسه بحبه و كل ما بشوفه بيحصلى حاجات غريبه لكن لازم اتعامل معاه ومش هينفع انى ابعد عنه لانى كدا كدا هشوفه و فى اوقات هضطر اكلمه
سورى انى طولت عليكو لكن بجد عايزه رايكو

هاى يا جميل انا قريت اكتر من مرة رسالتك
بس صدقنى انتى كدة بتظلمى نفسك
لانك زى ما بتقولى هو معتبرك زى اختوا
وانتى بتحبية يعنى بتدى كل حاجة من غير ما
تاخدى اى حاجة دة صعب اوى
انتى بجد لازم تبقى قوية ولازم تنسى
اقنعى نفسك انك لازم تنسية ولازم يكون عندك ارادة
وانا من رائى لازم تبعدى عنوا فترة
علشا تقدرى تنسى
واشغلى نفسك باى هواية علشان متفكريش
فى الموضوع دة
وحاولى على قد ما تقدرى انك تبعدى عنوا على الاقل الفترة دة
علشان تقدرى تنسى
وباذن الله هتنسى وهتلاقى الانسان الى انتى تستهلية
والى تحبية ويحبك ومتستعجلي هتلاقى يعنى هتلاقى
اوك يا جميل اوعدينى انك تبقى قوية
يارب اكون افدك وباذن الله هتنسى
يلا باى يا قمر

انا مش عارفة اقولك اية بجد
بس انا اعتقد الحل هو الى انا قولتهولك
بس انتى شايفة انك مش بتظلمى نفسك
انتى ادرى منى بنفسك
المهم ربنا يوفقك ومفيش حد بياخد غير نصيبوا
والى ربنا عاوزوا هيكون
وانتى بس فكرى شوية فى الى انا كتبتهولك
اوك يا جميل

اوك يا قمر
وميرسى مره تانيه للكلام اللى قلتيه
وانا متاكده انا كلامك كله صح لكن زى ما بيقولو مرايه الحب عامية
عالعموم ياااااااااااااا رب اقدر اعمل اللى انتى بتقوليه

اولا السلام عليكم ورحمه اللله وبركاته
ثانيا اعتذر لمداخلتي
لكن انا عندي راي ممكن يساعد
انا مش هقول طبعا زياده عن اللي قالته ساسو بس هزود وهختلف في الاسلوب
الانسان لا يمكن يتناسي شخص بيشوفه او بيضطر يتعامل معاه بصفه مستمره زي ما اشرتي
بس الانسان ممكن يعمل حاجه تانيه ممكن يتخيل نفسه بدون هذا الشخص ويتعامل مع الواقع بهذا الاسلوب بمعني التناسي وليس النسيان توضيح اكتر....
انتي عقلك مدرك لا بعاد كتير وعارفه ان الانسان ده مينفعكيش وان فيه عيوب لا يمكن تتهاوني فيها او تتناسي وجودها
ثم انك اشرتي انه في بدايه التعارف حصلتلك ظروف وهو اكتر حد وقف جنبك وكان التعامل علي اساس انكم اخوات
ثم فوجئتي انك حبتيه علي اي اساس؟ وانتي شايفه عيوبه وعارفاها انتي حبيتي الموقف محبتيش الشخص حبيتي الموقف اللي حصل وبانت فيه رجوله هذا الشخص لانك اذا كنتي احببتيه فعلا فلا يمكن ان تري عيوبه لان كما اشرتي مرايا الحب عاميه لا يمكن ان تري الا ما في صالح الحبيب ولكن لاتري عيوبه فانها تتغاضي عنها في سبيل الشخص انا رايي الشخصي ان كنتي مش هتقدري تغيري واقعك فغيري نفسك اجلسي جلسه صراحه مع نفسك واطرحي عليها الموضوع وخيريها اذا كانت ممكن تقبل الشخص بعيوبه اللي شافتها ولا لاء ولو موصلتليش لجواب انصحك بما قلته لكي من قبل التناسي ليس لمصلحتك فقط بل لمصلحه هذا الشخص ايضا واذا احببتي موقفه هذا بالفعل فترجمي حبك هذا الي قوة تتحلي بها وتعيدي الامور الي نصابها الطبيعي في قلبك ومشاعرك اخوات كما كان السابق..... وعندما تجدين الحب الحقيقي ستشعرين بالفرق وبمقدار عمي مرايا الحب فعلا ستشعرين بالحب الحقيقي....... فكري
اتمني ان اكون افدتك ولو بالقليل
تحياتي

فعلا هو ده الكلام
انا رايي من راي غدي

سورى انى اتدخلت
علي فكرة انا رايي قريب قووووووووووووى من راي ساسو وهو انك تبعدى فترة عنه
يمكن والله اعلم انه برده حاسس بحب من نحيته ليكى بس خايف يتكلم انه يلاقي انك مش بتحبيه
ابعدى عنه فترة وفى الفترة ده قررى رايك عن الاستمرار فى حبك ليه او الابتعاد عنه
علي فكرة ده يرجع لرد فعله عن بعدك عنه
ده تحسيه اكتر من كلامه نحيتك بعد كد
وسورى مرة تانية انى ادخلت
ونهاية الكلام سلاااااااام