السلام عليكم ورحمة الله وبركاته
بصوا بقى انا اتخنقت من الاستايل الابيض واسود دة بصراحة
وحاسة انه ناحس المنتدى
كل ما ادخل مالاقيش حد حتى سمسم اللى كان بايت فى المنتدى مبقاش بيدخل
والاعضاء كلهم طفشوا حتى اللى بيدخل ملهوش نفس يرد حتى فى منتدى الالعاب فقد لذته والحماس والمنافسه
اللى كانت مشعلله المنتدى
والاستاذ سمسم يبعت رسايل لاعضاء المنتدى يقولهم انتوا فين وهو مبيدخلش اصلا
ولو دخل مبيردش ولا حتى بيبعت مواضيع
ياريت يا جماعة كل واحد يبدا بنفسه الاول
انا لاحظت انى كل ما اكلم حد يقولى مبقاش حد بيدخل ولا حد بيرد زى الاول
طب ابتدى بنفسك الاول وادخل واستنى شويه ورد على اى حاجة واجبر اللى بعدك انه يرد على اللى انت قلته
تخيلوا انا بجهز انى ادخل واقول يا جماعة مش هينفع فى المنتدى الاسلامى ان احنا نقول شكرا وجزاك الله خيرا ونمشى لازم نرد ونناقش الموضوع ونعرض مميزاته وعيوبه وكل واحد يقول رأيه ويبقى فى لغة حوار
غبت شويه غصب عنى ورجعت اتصدمت حتى كلمة شكرا مبقاش حد بيقولها
ياريت يا سمسم ترجعلنا الاستايل اللبنى يمكن ترجع معاه الاعضاء ويرجع المنتدى وياريت كل واحد يبدأ بنفسه اولا
السبت نوفمبر 17, 2007 5:36 pm
