مــــــــــــــــــــــــــــــــــــــــــــــــــــــات
مات ازاي وازاي محدش يديني خبر يا اخوانا
بلاش الكلمة دي يا غدي انا معاكي ان المنتدي ممكن يكون فعلا في حالة يأس لكن مماتش
طالما في حد لسه بيدخل يبقي يبقي هيفضل عايش وان شاء الله الفترة اللي جاية هتكون مختلفة ان شاء الله في اعضاء هترجع واعضاء تاني هتيجي وربنا يسهل
ثم وان كان ذكائي مخانيش الاضطرار اللي انتي ناوية عليه لو زي ما في دماغي يعني فبلاش لاني انا عملته ومنفعش منفعش ليه لان هنا ذكريات واصدقاء مجرد اني ارجع اقري ردودهم ومواضيعهم القديمة بفتكرهم وابعتلهم السلام سواء هما فاكرينا وفاكرين المنتدي اولاء ثم ان لحظة اليأس اللي كنت فيها دي وسيبت المنتدي كانت لحظة صفاء وبعد تام لانه جت عليا فترة كنت انا الوحيد اللي بدخل ورديت مرتين في مواضيع يعني كنت برد علي نفسي واديني رجعت تاني
استهدي انتي بس كده بالله
وفعلا الاخت مي طولت الغيبة اوي وان شاء الله تكون بخير وترجع بالسلامة تاني للمنتدي وهي زيها زي اخوات كتير زي ما قالت الاخت ايمي دندونة وجيجي ولولا وساسو والاعضاء زي ماجنت وكرازي والجنرال راجع قريب ان شاء الله بس عنده ضغط جامد في الشغل ربنا يقويه ان شاء الله هيكون معانا قريب وعبد الرحمن نصر الله والعمدة المتواجد الخفي وسمسم الفترة دي عشان الامتحانات مشغول فيها جامد ربنا يوفقه ويوفقنا كلنا يارب وان شاء الله راجع بعد ما يخلص
وناس تانيه كتير كلنا بنسأل علي بعض الحمد لله لاننا كلنا اخوة وكانت في بينا ذكريات والمنتدي ده زي ما شاف لحظات هزار وضحك شاف اوقات ذهق وياس وقلق وترقب وحزن ففعلا مش بالساهل كل الاعضاء دول انهم ينسوا اوي يعني اكيد لنا من ذكرياتهم نصيب ان شاء الله الفترة الجاية هتكون احسن باذن الله وصدقيني اهم شئ انك بتسألي وبتتهتمي هو ده مضمون المنتدي انه قربنا كلنا من بعض وبقينا كلنا اخوات بنسال علي بعض حتي لو في بعض مردش الباقي بيرد والرد كمان مش مهم المهم المعني الاخير اللي طلع يبقي كده المنتدي مماتش لانه ادي رسالته معانا صح وقربنا كلنا كاخوة وجمعنا في مكان واحد هنا عليه سوري لو طولت
ومضمون كلامي النهائي نو يأس>>>>>>>>>>>>كوني متفائلة
وبعدين في محكمة بقي هتتننصب للاعضاء دول لما يرجعوا وهيتحاكموا بقي فيها ههههههههههههههه ايه مش عاوزة تكوني عضوة في المحكمة ولا ايه
الأربعاء يناير 02, 2008 1:49 am
