Mallaboro
..::احلي زبون::..
عدد الرسائل : 168
تاريخ التسجيل : 30/01/2007
 | موضوع: حوار بين اب وابنه  الجمعة فبراير 23, 2007 3:12 pm | |
| حوار بين اب وابنه في زمننا
الأب : يا ولد
الابن (و بكل براءة) : نعم
الأب: نعمة لما ترفسك
الابن:ليه ايه اللى عملته؟
الأب: عملك اسود ومهبب
الابن :هو انا قلت حاجه؟
الأب:لا كان ناقص تقول كمان.. أوقف عدل يا حيوان
الابن : حاضر
الأم: يحضروا على قبرك.. لما أبوك يتكلم إنت تخرس
الابن: أخرس؟؟
الأب: أيوة خرسة تخرسك ان شاءالله
الابن: ماشي
الأم: مشش فى ركبك
الابن : ايه مشش دى؟
الأب: أما إنك قليل الادب وبترد على امك كمان؟
الابن: انا رديت على إمي؟ ياما ماتقوليله حاجة
الأم: ...أخرس ياض
الابن (( غلب على امره و سكت))
الأب: أما جيل قليل حيا صحيح...بتكلم ومبتردش عليا اتخرست ليه كتك خرسة تخرسك
الابن:يعنى اقول لو اتكلمت بتشوفوا كلامى غلط
الأب: ليه ياض شايفنا عُومى ولا شايفنى أحول ومش بشوف؟
الابن: لا اله الا الله
الأم : الله ياخدك ويريحنا منك.. يا ريتني خلفت ابن الجيران و لا خلفتك
الأب: انا مش عارف الواد ده طالع لمين.. لا وشايف نفسك راجل اوى؟
الابن:طيب يعنى اعمل ايه عشان تشوفنى راجل؟
الأب: إن شالله ما تطيب.. اخرس
الابن: يا ااااااااااااااااااااارربي خلاص ممكن أمشى؟ انتم نادتونى ليه أصلا؟
الأم: آه صحيح انت ليه ناديت على الواد؟
الأب: تصدقى .... نسيت.. مش عارف... خلص امشى غور كتك الارف | |
|
Fawzyk
..::زبون احلي و احلي ::..
عدد الرسائل : 323
تاريخ التسجيل : 09/02/2007
| | موضوع: رد: حوار بين اب وابنه الإثنين فبراير 26, 2007 11:39 pm | |
|  حوار لــــــــــطيف بيحصل معــــــــــانا كلنا  | |
|
غدي يوسف
..::اوعي السريع::..
عدد الرسائل : 4715
العمر : 43
الدولة / المحافظة : القاهره
تاريخ التسجيل : 06/03/2007
| | موضوع: رد: حوار بين اب وابنه الأحد مارس 11, 2007 9:48 pm | |
| هههههههههههههه
ده ايه الاب ده
يانهار يانهار
ده الواد تلاقيه جاله حاله نفسيه
علي العموم موضوعك جاامد وربنا يشفي الاب
واشكرك | |
|
dondona
..::اوعي السريع::..
عدد الرسائل : 2530
تاريخ التسجيل : 06/02/2007
| | موضوع: رد: حوار بين اب وابنه الأحد مارس 11, 2007 11:38 pm | |
| ههههههههههههههههههههههههههههههه بجد موضوع تحفه تسلم ايدك يا مالابورو | |
|
