مرة واحد كان ماشي في الشارع وداس على قشر موز .
وقع وإتخبطت إيده بالأرض وتعور كوعه .
راح لأقرب دكتور .. ولما دخل العيادة .
قال للممرضه : أنا وقعت على إيدي وتعور كوعي ! وعايز أشوف الدكتور .
قالت له الممرضه : عايزين عيّنة من البول .
استغرب الرجل وقال : عشان إيه عينة البول !! وإيه دخل البول بكوع إيدي !!؟؟
الممرضه غضبت وقالت : براحتك !! لازم عينة بول علشان تدخل على الدكتور .. هو ده النظام مافيش بول .. يعني مافيش دكتور .
الرجل.. سلّم أمره لله وقال مافيش مشكله .. وجاب لهم عينة البول وسلموها للدكتور .
وبعد شويه نادى الدكتور على المريض .. و لما شاف المريض ابتسم وقال :
واضح الضربه قويه .. بس إتطمن كوعك سليم وما فيهوش كسر .
المريض استغرب كيف عرف الدكتور وقال : أكيد الممرّضة قالت لك .
قال الدكتور : لا أبداً ، تحليل البول هو اللي يبين كل شي .. لتحليل البول بالكمبيوتر أنا عندي جهاز جديد خذ المرهم ده وادهن منه كوعك ، وبعد أسبوع تعالالي ولا تنسى تجيب عيّنة البول معاك .
روح الرجل لبيته وفي راسه ألف سؤال ... مستغرب من الاختراع الجديد ده
وقال لأولاده عن الموضوع ضحكوا عليه وقالوا له إن ده نصب دكاتره
ومافيش شئ اسمه تحليل بول بالكمبيوتر .
بعد أسبوع كوعه خف تماما وقرر يروح للدكتور .
بس واحد من أولاده اقترح عليه إن يعملوا مقلب في الدكتور ويكتشفوا النصب والاحتيال بتاعه .
قام الولد وأخد عينة من بوله على عينة من بول أمه على عينة من بول أبوه وحط
عليهم شويه من زيت سيارة أبوه وقال :
خلينا نشوف النصاب ده ، حايعمل إيه .. والله حانضحك عليه ضحك .
الرجل اخذ ( البول الكوكتيل ) وراح للممرضه وإداها عينة البول
وقعد ينتظر .
وبعد نص ساعه تقريباً طلع الدكتور ماسك ورقة طويلة ..
قام الرجال وسال الدكتور وهو يضحك
ها قولي يا دكتور إيه نتائج التحليل !!؟؟
جاوبه الدكتور :
واضح إن كوعك أصبح تمام التمام
بس في شوية نتائج غريبة !!؟
ابنك مدمن مخدرات
ومراتك حامل
وسيارتك محتاجه تغيير بوجيهات ....
الجمعة مارس 09, 2007 6:31 pm
