لو صديقك .. لو صديقتك

السلام عليكم ورحمة الله وبركاته

ازيكو عاملين ايه

اللى هاكلمكو فيه النهاردة

موضوع غريب .. حصل و بيحصل :D

معايا و مع غيرى ...

بجد الاول كنت فاكرة انا بس لكن بعد كدة لقيت ناس بتحكى انه حصلها هى كمان

حكاية غريبة

لو يوم صديقة / صديق قريبة اوى.. مهما حصل واحد .. على الحلوة و المرة زى ما بيقولو .. و اتخانقتو و اكتشفت انها / انه ممكن تبيع فى اى لحظة .. لكن بعدها تفاجئ بمبررات و تيفونات بتبرر اللى حصل .. و بتلومك انك بسرعة صدقتى / صدقت انها / انه ممكن يبيع .. و تلاقى نفسك فى حيرة بين لا و اه .. بين صديق / صديقة كانت كل عمرك و بين حد جرحك اوى فى يوم .. و متعرفش تصدق مين .. نفسك و لا هو / هى..


لو يوم صديقة او اخت / صديق او اخ بتحس انه قريب / قريبة ساعات وساعات بعيد اوى ... ساعات فاهماك / فاهمك و ساعات اصلا ماتعرفكيش و مش فاهماكى خالص .. و تلاقى نفسك برضه محتارة / محتار ...


لو يوم تلاقى ناس بتقرب منك و بتبقى قريبة و بعدين بعيدة ..



بجد تعملو ايه ..
عاوزة رد لو كنتى و لو كنت فى الوضع دة تعمل ايه ..

انا عن نفسى لقيت احسن طريقة ان كله زى بعضة علشان الجرح مايبقاش اوى .
و ما تحبس صديقك اوى و ماتكرهش عدوك اوى ...


و لا انتو ايه رايكو ...

بصي يادودي

اولا لو كانت صحبتي اوىىىى لازم فعلا نبقي مع بعض علي الحلوةوالمرة
لانها صحبتي ومافيش حياه بدون مشاكل

اما بقي انا عن نفسي لو حسيت انها باعتني طبعا هابعد عنها مهما كانت الصداقه طلما هيه مش باقيه عليا يبقي كده هيه ملهاش امان

وكمان انا هسألها الاول وطبعا في حاجات بتبان بدون متسأليها والله لو قدمت مبرر واضح ويتصدق هاصدقها بس مش هارجع زي الاول طبعا

وكمان هاعملها كويس لانها انسانه يعني فيها روح وبتحس والكرة ده ربنا يبعدنا عنه

بس هوة بس اللي هايحصل ان اللي بيني وبينها هايبقي السلام والكلام العادي يعني هاتجنبها

واشكرك علي موضوعك الهايل لانك فعلا هايله

ثانكث يا قمرعلى المرور و الرد الرائع

و بتحرجينى بزوق دايما

انا قى عن نفسى فعلا اللى بينى و بينها السلام
مشكلتى انى مش بقدر اسامح خاصة لو الجرح من حد قريب