sike mike
مشرف قسم كلام فى السياسه
عدد الرسائل : 243
العمر : 36
تاريخ التسجيل : 30/01/2007
 | موضوع: بنتى نور ..  الأحد مارس 11, 2007 3:59 pm | |
| بمنتهى البراءة ..
سألتنى بنتى نور ..
فى أربع خمس أمور ..
قالتلى يا بابا ..
مش أنت يا بابا ..
بتكتب أغانى ..
وتقول أشعار ..
أنا سمعت الشيخ يا بابا ..
بيقول إنك يا بابا ..
ها تروح النار ..
زى الناس الوحشين ..
الحرمين الكفار ..
قوللى يا بابا ..
يعنى إيه أستعمار ..
يعنى إيه نيل ..
يعنى إيه هرو ..
ومين اللى حط النسر ده ..
فوق العلم ..
يعنى إيه يا بابا ..
استفتاء ..
ويعنى إيه إنتخاب ..
ويعنى إيه حر ..
ويعنى إيه نصاب ..
ويعنى إيه اغتصاب ..
يعنى إيه اختلاس ..
ويعنى إيه هجاص ..
ويعنى إيه خصخصة ..
يعنى إيه بابا دستور ..
يعنى إيه معارضة ..
ويعنى إيه مظاهرة ..
وليه النهاردة ..
خدنا أجازة من المدرسة ..
قوللى يا بابا ..
يعنى إيه قهر ..
وأين يقع خط الفقر ..
ويعنى إيه حظ ..
ويعنى إيه زهر ..
يعنى إيه يا بابا ..
حرية ..
يعنى إيه إنسان ..
ويعنى إيه سرطان ..
يعنى إيه يا بابا ..
خربوها ..
ومين دول يا بابا ..
ولاد القطقوطة ..
ومين دى ..
سمارة يا بابا ..
وإزاى يا بابا ..
ضاعت من قلبك ..
وكنت فين لما خربوها ..
يا بابا ..
بابا ..
إنت معايا ..
فيه يا بابا ..
ناس بتقول كفاية ..
وفيه عساكر ..
ماسكين عصايا ..
وبنات متعورين ..
وتانين ماشين بيضحكوا ..
يا بابا هما دول إسرائليين ..
قولتلها ..
نور ..
ممكن أسألك سؤال ..
قالتلى ..
إتفضل يا بابا ..
قلتلها ..
هيه قناة سبيس تون ..
رقم كام ..
وخدتها ..
عشان تنام | |
|
dondona
..::اوعي السريع::..
عدد الرسائل : 2530
تاريخ التسجيل : 06/02/2007
| | موضوع: رد: بنتى نور .. الإثنين مارس 12, 2007 2:28 am | |
| حلو اوى اوى الموضوع تسلم ايدك هااااااااااااايل والكلام جامد فعلا | |
|
Fawzyk
..::زبون احلي و احلي ::..
عدد الرسائل : 323
تاريخ التسجيل : 09/02/2007
| | موضوع: رد: بنتى نور .. الأحد مارس 18, 2007 12:36 am | |
| فتاه بريئة . لــــكن موضوع في روعة الجمال
شكرا يا سيكي ميكي | |
|
غدي يوسف
..::اوعي السريع::..
عدد الرسائل : 4715
العمر : 43
الدولة / المحافظة : القاهره
تاريخ التسجيل : 06/03/2007
| | موضوع: رد: بنتى نور .. الإثنين مارس 19, 2007 11:44 pm | |
| موضوع جامد والله
وفعلا بنت بريئه جدداا
من حقها تنام والله
كل دي اسئله سألتها ده انا تعبت
واشكرك ياسيكي ميكي | |
|
