دول حبه نكت حلوه اضحكو وادعولى
واحد نذل ابوه طرده من البيت وهو طالع كتب على الباب: "مقر حركة طالبان
كمسرى ماشى فى جنازة بيقول يا جماعة الجنازة فضيا قدام
مره واحد احول سجل في الجيش...... حطوه في قسم القصف العشوائي
محشش سأل واحدة اسمك ايه؟ ردت: أسماء؛ فقال: يعني ما فيش اسم محدد؟!
ظابط مرور لقى بقه ضيق عمله إتجاه واحد
مرة واحد بتاع سمك ابنه مات فماشى فى الجنازة يقول: كان صاحى وبيلعب
مرة واحد بلدياتنا وقع فى حفرة نزلولوا حبل طلع مخنوق
مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.
واحد مسطول بيسأل مراته هو لما بنفتح باب الحمام النور بينور قالت له لا قالها يبقى الثلاجة
واحد سكران فتح التلاجه وبص للجلي ...وجده بيرتعش :قالوه متخفش هاخد عصير
واحد ملحن دخل مبنى ماسبيرو علشان يعتمدوه ملحن فقالوا له: كل جمله نقولهالك لحنها، قالوا له: لحن واحد حرامى راح ملحنها، قالوا له: اتنين حراميه.. راح ملحنها، قالوا له: بقه شله حراميه قالهم: بلادى بلادى بلادى
بيقول لخطيبته: انا مش غني ولا عندي مرسيدس ويخت زى محمود بس انا بحبك، خطيبته: وانا كمان بحبك لكن احكي لي اكتر عن محمود
صومالى ركبه عفريت العفريت مات من الجوع
سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه
مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون
مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين).
مرة واحد راح السودان بالليل ملاقاش حد
مرة اثنين بلدياتنا في الجيش فالصول بيسأل الاول: ايه ده؟؛ قال له: البندجيه يافندم، قال له: بندجية ايه ياهريدي دي وطنك دي امك، فراح للعسكري التاني قال له: ايه دي؟، قال له: دي ام هريدي يا فندم.
ديك وفرخه معديين من قدام محل شاورما ..الديك بيقولها شوفى اللى بيحصل للى مبتسمعش كلام جوزها
واحد قال لأبنه: نابليون وهو أدك كان أول واحد في الفصل، رد الواد على أبوه: نابليون وهو أدك يا بابا كان إمبراطور
ايه رايكو اقروها وقولولى رايكو مستنيه ردود كتييييييير
الخميس مارس 15, 2007 1:26 am
