الموضوع بأختصار شديد يتلخص فى كلمه واحده
امريكا
ايوا امريكا هى السبب فى الحاله اللى انا فيها دى
الامريكان بيحطو قواعد لكل حاجه وطبعا معظمنا عنده دش
وزهق من حلقات الدكتور فيل والكلام بتاع الحاجه اوبرا
و"كيف تكون مليونيرا " و "كيف تفقد وزنك "و "كيف تكون مرح "
و "ازاى تصبح شخصيه قياديه فى ربع ساعه" و"كيف تكون سعيدا فى بيتك"
وغيرهم وغيرهم ..................بس مش دي المشكله
الامريكان قرروا انهم يحطو قوانين للحب ....وبالفعل حطوها
وفى سابقه لم يحصل لها مثيل اخترعو طريقه حلوه اوى
وسهله ...وده شرحها باختصار
انت تسترخم نكته اى نكته غلسه وخلاص وتحكيها للبنت.....اوكى
بس طبعا باهتمام وكانها احسن نكته عندك -قال يعنى انت مش عارف انها غلسه- وتشوف رد فعلها
لو ضحكت بصوت عالى وقالتلك انها نكته حلوه وان دمك خفيف
فدى راسمه على جواز يا معلم
لو اتريقت عليك وعلى النكانه البايخه بتاعتك
يبقى تفكيرها فيك فى حدود الصداقه
لكن بقى لو ابتسمت ابتسامه هاديه فيها نوع من الضيق كده
تبقى بتحبك ومش عاوزه تشوفك غبي او سخيف
لو ضحكت بقى بصوت عالى فى لا مبالاه
تبقى مهيسه من النكته الغلسه بتاعتك -نصيحه منى سيبها وامشى -
ودى باختصار الطريقه الامريكيه واللى ما اعرفش بنت غير لما تركبنى اللعنه بتاعت النصيحه دى
عشان اعرف -ولو من باب الفضول- هى مين فيهم ؟؟؟
فاشوف بقى اللى بتدور على عريس وتكون صعبانه على لانى بعتبرها زى اختى
واشوف العاشقه واكون مرتبك قدامها ومش عارف اتصرف
واشوف اللى ما بتفكرش فيا واقعد اكتئب يومين وتكون ثقتى فى نفسي شبه معدومه
رغم كل ده النصيحه الامريكيه لسه فى راسي ويا ريت حد منكم يرحمنى
وياخدها منى .....ارجوكم ...........ارجوكم
الثلاثاء مارس 20, 2007 5:00 pm
