أحدث لعبة لعبة السؤال والجواب

اه احلامى

السنة ديه تعدى بمجموع كبير
وابتدى السنة الجديدة وانا فى كلية هندسة
وفى وقت الدراسة اكون ابتديت انفذ شغل خاص بيه لوحدى ويبقى عندى شركة هندسة كبيرة معروفة فى كل مكان
وبرضه نفسى اريح الناس اللى تعبوا عشانى كتير


وهسال
غدى وسفير الحب

ايه اكتر حاجة بتحبوها فى حياتكم ؟؟؟

اكتر حاجه بحبها في حياتي يعني ايه
اكله يعني ولا شخصيه ولا ايه
ميوي ممكن توضيح اكتر

اوكى يا تيتو ورد على السؤال اللى انت مردتش عليه
ومستنين الاجابة يا تيتو

وتوضيح اكتر

يبقى فى حياتك الشخصية ايه اكتر حاجة بتحبيها او بتحبى تعمليها
يعنى شوفى ايه اكترحاجة بتحبيها فى اى حاجة وقولى

اوكى هجاوب

اكتر شخص بحبه فى الدنيا
هو مش شخص نا بحب ناس كتير اوى
بس هفولك اكتر حد بحبه
ماما وبابا واخويا

انما اكتر صديقة بقى فهى سارة انتيمى

اه نسيت اقول


مستنين اجابتك يا غدى انتى وسفير


ونكمل بعدها الاسئلة

اكتر حاجه بحبها بحب الرياضه جامد الرياضه الحسابيه والبدنيه>>>>>>>فصيح
بحب ايه تاني ايه تاني بحب الكتابه اوي بحب اكتب جامد >>>>>في اوقات الفراغ
بحب الموسيقي>>>>>>>>>>بارع في الجيتار ولا فخر>>>>>الاخ مغرور
بحب الباشمهندس الكبير>>>>>>>>>>ابويا >>>>>>>والدي يعني هههههههههه
بحب الحاجه المديره>>>>>>>>>>امي>>>>>>>>>>والدتي يعني هههههههههه
بحب الشياطين التلاته قصدي الفرسان التلاته مش الفرسان التلاته بتوع روايه الكسندر دوماس لا دول اخواتي ولا فخر>>>>>>>>>>الاخ مفروووووووووووس منهم اوي
بحب العصفوره بتاعه البيت اختي الوحيده>>>>>>>>.ميغركمش الاخ اساسا بينتقم منها يوميا
يعني باختصار بحب عائلتي اوي>>>>>>>>>>الاخ رومانسي جدا هههههههههه
بحب اعمل ايه؟ ممكن ادخل المطبخ اعمل حريقه واطلع ههههههههههههههه>>>>>>>>> الحاجه الوحيده اللي فاشل فيها مش عارف ليه
ممكن ارسم شويه ممكن ابهدل اغاني مش اسمع اغاني لا ابهدل اغاني اجيب ده مكان ده وده مكان ده ههههههههههه>>>>>>>>>>>الاخ فنان شويه
بحب الحياه متكونش واقفه بحب الحياه تمشي ويكون فيها نشاط وحركه
وطبعا في المقام الاول دراستي دراستي دراستي>>>>>>>>>.كلمه بابا والدي يعني
واخيرا وليس اخرا بحب الحاجه الصعبه جدا اعشق المستحيل زي ما بيقولوا بحب اتحداها وببقي سعيد جدا بانتصاري عليها اذا كانت الحاجه دي صعبه اوي
بحب الرومانسيه وقصص يوسف السباعي وفكر احسان عبد القدوس وتاريخ علي احمد باكثير وروائع العقاد وفلسفه توفيق الحكيم>>>>>>>طبعا هتقولوا مش باين عليك>>>>>>>>>>>>اصل انا مش بحب يبان عليا >>>>الاخ متخفي
بحب اشوف الي حواليا كلهم سعداء>>>>>>>>>>الاخ واقعي شويه
وبحب الشيكولاته جدااااا
وبحب المنتدي ده جاااااااااااااااااااااااااااااااااااامد اوي>>>>>>>>>الاخ بيتكلم جد
نفس السؤال يا ايكسي>>>>>>>>>>.ردي بقي>>>.الاخ بينتقم

طيب بصي ياجميل

انا بحب مامتي جدااااااااا وهي مثلي الاعلي في العالم كله ومقدرش اعيش من غيرها

وبحب ساعتي موووت لان بتجيلي حاله عصبيه اذا مكنتش في ايدي

بحب الرويات والقصص خاصتا الرومانسيه زي احسان عبد القدوس

وبحب اكتب شعر وبحب ارسم وساعات ببهدل الاوضه بس بعد مابهدلها برجعها زي الاول تاني

بحب اسمع اغاني هاديه او موسيقي واقضيها سرحان

بحب كل حاجه جميله الورد و البحر والنيل والقمر

كده يعني

بحب اوي اشوف السعاده في عيون الناس وخاصتا لو كنت انا سببها

بحب اصحابي جداااااااااا جداااااااااااا ومقدرش اعيش من غيرهم

وببحبكم كلكم زي اخواتي

انا بقى هقول بحب ايه

بحب ربنا قبل اى حاجة وبعد كدا بحب كل حاجة

طبعا اول ناس بحبها هما اهلى ماما وبابا واحمد اللى هو اخويا

وبحب اصحابى طبعا وسارة الانتيم

وبعد كدا بحب الناس كلهاا

وبحب ارسم وبحب الشعر وبحب اقرا بحب القصص الرومانسية جدااااا

وبحب اقرى الكلام اللى فى عيون الناس

وبحب البحر والسما بعشهقم بجد

وبحب اعيش الواقع وبحب افكر فى المستقبل

وبحب ابقى لوحدى واسمع اغانى رومانسية (حزينة)واعيش دور فى خيالى

وبحب المنتدى جدااااااااااااااا

وبموووت بقى فى الاطفال

وبعد كدا مش فاكرة دلوقتى

هقول لغدى وبعدها سفير الحب نفس السؤال

امتى حسيتى او حسيت انكم مش عايزين تعيشوا وايه السبب ؟
ومين الشخص اللى بتحسوا انكوا بتكرهوا وايه السبب برضه ؟؟

اووووووك ياقمري

هجاوب علي سؤالك

انتي هرتيني


امتى حسيتى او حسيت انكم مش عايزين تعيشوا وايه السبب ؟

انا عمري ماحسيت الاحساس ده يمكن علشان لسه صغيره وان لسه هاشوف بلاوي قدام بس بجد

الدنيا مش مريحه خاالص وكلها تعب بس هانعمل ايه لازم نعيشها ونرضي بيها بس نعيشها صح

ومين الشخص اللى بتحسوا انكوا بتكرهوا وايه السبب برضه ؟؟

انا بردو مكرهتش حد في حياتي ومعنديش حاجه اسمها رد الاساءه بالاساءه

خااااااالص عملي حاجه ضايقتني يبقي الله يسامحه او منه لله

لكن اكرة لا بس بتجنبه وبعامله عادي جدااا و اللي بني وبينها السلام وكلام عادي

ميرسى يا غدى على ردك يا عسل

وفى انتظار سفير الحب

احم احم حضر الاخ سفير>>>>>>>>>متقولش حضر اسامه منير يا اخي
ايه السؤال بقي>>>>>>>>>>الاخ ده صعييييييييدي ولا ايه
اه اه سوري>>>>>>>>>>>سوري دي تبقي بنت توم كروز يا اخويا
ههههههههههههههه
معلش عشان بس توتر الاسئله اسئله صعبه بجد يا مي
امتى حسيتى او حسيت انكم مش عايزين تعيشوا وايه السبب ؟
والله يا مي مقدرش انكر اني ممكن احس الاحساس ده بس احيانا يعني لما ببقي حاسس اني مهزوم او حاجه كده بس برجع وبقول ان الحياه نعمه من ربنا ومينفعش ارفض نعمته او اتبتر عليها فبصبر نفسي وبعزف مثلا او اكتب شويه وبهدي
احساس خانق بجد>>>>>>>>>>فكرتيني يا ايكسي
ومين الشخص اللى بتحسوا انكوا بتكرهوا وايه السبب برضه ؟؟
بكره ادهم المهزوم اووووووووي ادهم=>سفير
السبب اني مش بحب اشوفه مهزوم ابدا عشان كده تلاقيني مش بحب اقعد قدام نشرات الاخبار كتير لان دي بالنسبه ليا قمه الهزيمه مش هقول احوالنا كعرب والشعر ده لا
هقول كرامتي كرجل وشاب مسلم عربي بيجري في عروقه دم عربي لما يشوف ام بتتهان وابن بيتيتم وهو مكانه
ممكن اكره الصديق الخاين>>>>>>>>>>>>يعني اللي معندوش دم
وطبعا بكره شوشو>>>>>>>>>>الشيطان بس بدلعه زي ما هيدلع كده في النار ان شاء الله
بكره الغباء بقي الغباء الغبي اوي يعني مش اللي مش فاهم لا الغبي بطبعه
بس يعني مش كتيييير صح
انتي بقي>>>>>>>>>>>امممممممممم الاخ بينتقم
نفس الاسئله>>>>>>>>>>>ايه ده............ كده

ههههههههه ماشى ميرسى
بس هو ايه النظام كل ما اسال سؤال هرد عليه انا كمان ده حرام انا كدا هبطل اسال

ههههههههههههههه
اوكى هجاوب
امتى حسيتى او حسيت انكم مش عايزين تعيشوا وايه السبب ؟
الاحساس ده حسيته لما اقرب حد ليا خانى وقال كلام مبيحصلش وحسيته لما كنت هفقد شخص قريب ليا بس الحمد لله
واخر مرة حسيت بيه بقى لما عرفت ان اكتر حدبثق فيه هو اكتر حد بيخونى

ما علينا

ومين الشخص اللى بتحسوا انكوا بتكرهوا وايه السبب برضه ؟؟

لا انا مبكرهش حد
حتى اللى غلطوا فيا مقدرش اكرهم

وعلى كدا وخلاص

وجه فى دماغى سؤال بيقول

ايه اكتر حاجة بتندم انها حصلت فى حياتك الشخصية ؟؟ وايه كان السبب ؟؟

والسؤال الحلو ده
هيجاوب عليه ان شاء الله

سفير الحب وغدى ورحاب ومصطفى

سلااام

ايه اكتر حاجة بتندم انها حصلت فى حياتك الشخصية ؟؟ وايه كان السبب ؟؟

اكتر حاجه بندم عليها.......... مافيش لاني بفكر كويس قبل ما اخد اي قرار
بس اكتر حاجه ندمت عليها اني سمحت لا اخويا الصغير يشوف حزني وشبح الدموع في عنيا لاول مره في حياتناوالسبب ان والدي كان تعبان جاااامد بس الحمد لله منزلتش الدموع دي غير في اوضتي لوحدي فهي لحظه مش ممكن اندم عليها اوي بس لو اتزنقت خالص في الندم حقول هي دي المره اللي ندمت فيها
يلا يا غدي جاوبي انتي ورحاب ومصطفي عشان نسال السؤال الجامد بقي اما انا محضر حته سؤال قنبله>>>>>>>>>>>>>مش قلنا قرر ينتقم

سوري ياجماعه انا باص من السؤال ده
ودلوقتي مستنين رحاب ومصطفي

ايه اكتر حاجة بتندم انها حصلت فى حياتك الشخصية ؟؟ وايه كان السبب ؟؟


ايه الاحراج ده

اكتر حاجه بندم عليها حصلت فى حياتى
انى مشيت ورا كلام واحد صاحبى او كان صتحبى
والكلام ده ظلم ناس غاليه عندى

مازلنا في انتظار اجابه مين هو مين اللي ناقص
اه رحاب
بسرعه عشان محضر سؤال قنبله>>>>>>>>>>قرر الانتقام فعلا باين عليه

رحاب شكلها مش فاضية اليومين دول

خلاص يا سفير

قول

سؤالك ولما رحاب تدخل تبقى تجاوب

الحمدلله اللعبه انوقف حالها
ياسفير اسئل سؤالك
ونمشي اللعبه عادي
لحد مارحاب تيجي براحتها وتجاوب

ايه الخبر اللي مش ممكن تتحداه والسؤال لا يكسي وغدي ورحاب وسمسم وسفير الحب وخلوا اجابتي انا اخر حاجه يمكن يكون في امل اي امل

اه بس سؤال بسيط

يعنى ايه الخبر اللى مش ممكن تتحداه

ممكن توضح السؤال اكتر

ماهو مش ده السؤال الجامد اللي كنت بقول عليه>>>>>>>>>>>اصلي نسيته
ههههههههههههههههههههههههههههههههههههههههههههه
التوضيح يا ايكسي هو ايه الخبر اللي مش ممكن تتحداه تستلم بسهوله فيه هل مثلا اما تعيا
ولا خبر النتيجه ولا اما تفشل في حب في حياتك كده يعني ايه الخبر اللي مش ممكن تتحداه

بصوا ياجماعه بجد علشان اللعبه تمشي صح
واحد بس يسال واحد بس
وهكذا
علشان بس اللعبه تستمر وتبقي كويسه ومايحصلش فيها تاخر
اوك
وهاخلي اللي بعدي يسال