يبقا انت اكيد اكيد فمصر

طبعا لو قلت لحد تعرف تطلع المصرى من وسط الف هيطلعه طبعا هههههههههههه ديه حاجه معروفه

محدش يسال ليه او ازاى هوا بيبقى باين ده مصرى

عمرك متلاقيه بيبص ادامه دايما باصص للناس وبيشبه عليهم او بيتفرج عليهم
لو قاعد فى ميكروباص او ترو تلاقيه بيبص معاك فى الجورنال او الكتاب او المجله
ومهتم على الاخر هههههههههه ولو قلبت الصفحه ممكن يقولاك يا اخى لسه مقرتش هههههههه

ياسلام بقى لو سالته على عنوان يديلاك الف طريقه والف وصفه ههههههههههودايما غلط

والوحيد اللى بيقول لا قبل مايعرف بنتكلم عن ايه

بيفهم فى الطب ويشخص المرض ويوصفلك الدوا

وبيفهم فى النقاشة والكهربا وتصليح العربيات

والطبيخ والسياسة والكورة وهو أساسًا أبيض يا ورد

بيحط الريموت كونترول فى كيس بلاستيك كعادة فرعونية علشان الريموت مايخدش برد ههههههههه

يقف يتكلم على الباب نص ساعة بعد إنتهاء الزيارة والسلام عليكم ويمكن يقول سلام الف مرة
ويرجع يقولاك الا صحيح مقولتليش ويدخل فى موضوع تانى


لمّا تفتح نملية المطبخ هتلاقي عنده عشرين برطمان بتاع مربى فاضيين

بقالهم سنين ومازال مُصِر على جمع المزيد ومتعرفش ليه ولو سالته يقولاك بينفعوا فى وقت عوزة

وييجي بعد معاده بساعتين ويفتكر إن ده عادى

لسه عنده إصرار إنه يتكلم بصوت عالى في التليفون لما تكون المكالمة دولية عشان التانى يسمعه

ولما يقفل يروح فاتح كلام مع اللى جنبه ويقوله ده الواد سعيد ابنى عقبال عندك فى الكويت
وشغال الخ الخ الخ الخ

بيعتبر نفسه أفضل واحد في الشرا والفصال وبعد كده يكتشف إن الحاجة فى المحل اللى جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ما إستخدمها

بيشترى قبل الفطار فى رمضان مواد إستهلاكية أصلاً موجود

عنده فى البيت ولسه ماستخدمهاش

بيكون عنده شواية لزوم الرحلات أقصى إستخدام لها كان مرة واحدة فى العيد

بيشيل طابع البريد من على الظرف لو الختم ما كانش عليه

بيكون مشغول بقيمة الزيادة فى الاسعار طول الوقت

يا ترى ربع جنيه ولا نص جنيه

بيتخانق ساعة دفع اى حساب بحرارة شديدة على إنه هو اللى لازم يدفع

بيفرش ملاية سرير على طقم الأنتريه عشان يفضل نضيف لما ييجى ضيوف وما بيشيلهاش برضه لما ييجوا

والأهم إنه بيحب يسخر من نفسه ومن بلده وحكامه

بس ما يطيقش حد تانى يسخر منهم

طبعا حد يقدر يتكلم عن مصر ولا عن حد اعرفه ولا يجيب سيرتها كده حتى

وعلى راى حسين الجاسمى دا وانتى مطلعه عينى بحبك مووووووووووووت

اااااااااه اكيد مش كل المصريين كده احنا بنهزر بس مش اكتر ويارب يكون الموضوع عجبك يا اهلاوى

اكيد عاجبنى طالما الموضوع منك

شكرا ربنا يخليك ده من زوقك