بين الحب والملل
أنا الغلطانه
كنت بدارى وأسكت أدامهم
كنت بضحى أنا عشانكم
وكنت بكون أنا الغلطانه
غلطانه عشان سكت ومتكلمتش
غلطانه عشان أتألمت ولا بينتش
وكنتى أنتى أدامهم الملاك المظلوم
ومحدش كان حاسسنى ولا دارى بيه
مكنتش برضى أتكلم عشان ميجيش عليكى اللوم
وكنتى انتى الغلطانة وكنت أستحمل نظرتهم ليه
مكنتيش بتحسى بيه وياما سمعت منك كلام
كلام يجرح ويضايق ومنه ولا بعرف انام
وفى يوم قلت كفاية لقلبى دة كدة حرام
مين يستحمل ظلمك ليه ما كفاية ظلم الايام
مرديش قلبى يبعد وقال هتحمل وأرضى بالمكتوب
مكنش يعرف أن الملل يقتل أجمل أحساس بالقلوب
ومات الشوق جوايا ما أنا بردة أنسانه
وخايف أطلع فى الاخر بردة أنا الغلطانه
أنا الغلطانه ؟
الخميس أبريل 05, 2007 6:50 pm
