سفاح المعادى

موضوع: سفاح المعادى السبت فبراير 03, 2007 9:55 pm

عيزبن نفهم هو الأمن المصرى وصل إلى أنه لا يستطيع القبض على مجرم أو سفاح وكل يوم نسمع عن ضحيه منه وضحيه يقبض عليه من أجهزت الامن ليقولون هذا هو السفاح والسفاح الحقيقى يعيش وكأنه مواطن مثل أى مواطن ؛؛؛؛؛؛؛؛؛؛؛؛؛

بسم الله الرحمن الرحيم

بوص يا محمد انا عايز اقولك حاجه

اولا بالنسبه لموضوع سفاح المعادي ده موضوع غريب قوي

بس طبعا دي سياسه دوله و كلنا عارفينها

نتكلم عن الموضوع من زويتين

اول زاويه ان سفاح المعادي دي و الغاغه اللي معموله حواليه

دي حاجه عاملنها عشان نتلهي بيها

و نتلهي بيها عن البلاوي اللي حوالينا

و كل الحاجات اللي حوالينا اللي شايفنها غلط ناس بتاخد قلوس و تهرب بره البلد

رشوه , و كل حاجه غلط موجوده حوالينا

فسايبين كل ده و نتشغل بيه و باعدين عن الحاجات الاساسيه

كلنا طبعا فاكرين موضوع العبارة اللي غرقت

و الباشا صاحبها اللي هرب بره البلد ولا حد يعرف عنه حاجه

حادثه بني مزار اللي حصلت و كلنا سمعنا عنها

و يقولك لا اللي عمل ده واحد بس مريض نفسي و معتوه

و يجيبلك حديث مع كل الناس اللي في الشارع ايوة ده كان بيعمل حاجات غريبه

و مجنون و كلنا كنا عارفين كده بس مقدرناش نبلغ عنه عشان مش عارف اهله وكده

معروف الحوار طبعا

لا و اللي معروف كمان ان في الموضوع ده فيه حوادث كتير اتعملت في اوقات متباعده

و هوة ده اللي عملها

طب ازاي يا عم الحاج

لا ماهو عمل دي و جري بسرعه راح عمل دي

عادي ايه المشكله و احنا بنصدق

نمسك بقي الناحيه التانيه

لو تعرفه المذيع الفنان عمرو اديب اللي بيقدم برنامج القاهرة اليوم علي قناه اليوم

كانوا مرة بيتكلمه عن موضوع سفاح المعادي ده

فكان بيسال واحده مسئول عن موضوع الاوصاف اللي رسموها من خلال اوصاف الشهود

يقولك اختلفت الاوصاف

طيب تمام

هل معني كده ان الموضوع خلص

يا جماعه تفتكروا ان اللي هيعمل الموضوع ده واحد بس

مستحيل طب ازاي

اكيد ده مش واحد لوحده

خلينا نصحي شويه بقي

وان شاء الله قريب هنلاقي واحد جيبينه في التليفزيون

و في منشتات الصحافه و في كل حته

القبض علي سفاح المعادي

و يقولك واحد مريض نفسي

عادي

خدنا علي كده و عرفنا

معلش يا محمد طولت عليك

بس اصل الموضوع ينرفز بجد و يخنق

و شكرا علي اهتمامك

سفاح المعادة
سفاح المعادى لايزال طليقا يثير رعب السيدات والبنات
طعن أولى ضحايا ة قبل 4 أشهر وتصور رجال المباحث أنه حادث فردى
مدير الأمن يلغى الراحات ويشكل غرفة عمليات من كبار ضباط مباحث جنوب
أخر ضحاياة ممرضة فى مستشفى المعادى ضربها أمام شقتها وكان يرتدى ( كوفيه )
ولديه ( سكسوكة ) وتضارب فى أوصافه

ولسه

بصو بقى
انا فعلا من راى ماجنيت ..
دى حاجة تنرفز و موضوع حادث بنى مزار دة خلاص قصته اتعرفت و اتعرف انهحوار بيع اعضاء و الحكومة عادى بتغطى الحوار...

اما موضوع السفاح .. انا معرفش حاجة عنه بصراحة مؤكدة بس و الله احتمال فعلا يكون لعبة ..
و بعدين ايه تضاربت المواصفات دى ....
يعنى هما صحاب بيبدلو .. و لا هو هبل .. هوا احنا اتعودنا يضحكو علينا و نوطى راسنا و نقول اه ....

هو احنا هنعرف اكتر من الحكومة .....

سورى انى خرجت عن الموضوع بس انا رايي ان موضوع السفاح دة كله على بعضه مش مقنع اصلا ... زى حاجات كتير اوى ..

انا ساكن في المعدي

من سكان المعادي

انا هبكلم بجد والعيني شفته

مش هكلم من ناحية ( الناس بتئول)

1-اخت صحبي اضربت من سفاح المعادي وراحت المستشفي وغيرت دم كتير ...اختي راحت مع اصحابها للمستشفي وزروها

2- انا اتفتشت ادام بيتي أكتر من 4 مرات . وبيسئلوني اسئلة غبية .والبطاقة بتنقظني

انصحكم اي حد ييروح المعادي لازم بطاقة الا هيروح في الحديد

3- لما اروح اتفسح في المعادي انا واصحابي عند مؤمن وهكذا ....بنــــــركب ميكروباس ....البوليس يوقف الميكروباس ويفتش واحد تلو الاخر (حدثت مرة واحدة)

لـــكن الان الموضوع شبه هدي......أصبح

أنا أخر مرة اتفتشت فيها كان من 3 اسابيع تقريبا وشكرا

يا فوزي احنا مش بنقول مفيش سفاح

هوة فيه سفاح يا دودي

بس هوة مش واحد هي ممكن تكون عصابه

و كل حد مثلا بيوصف من اللي اتعرضله

او اللي شافوه

فلما يحصل تضارب في الاوصاف

يبقي اكيد ده عايز وقفه

مش نقول قدام فيه تضارب يبقي مش عارفين نوصل

لازم نكوت اذكي من كده

و شكرا

انا مش عارفة بصراحة
انا مش مقتنعة ....

و انامعرفش موضوع التفتيش دة
انا مش باروح المعادى خالص و لا اعرف حد فيها تقريبا .......

انا بس اللى خلانى ارد هو موضوع بنى مزار لان الموضوع دة خنقنى جامد اوى ..

موضوع: رد: سفاح المعادى السبت مارس 17, 2007 1:40 pm

المواضيع دي كلها اساسا بتخنقني وبتخوفني
انا عندي خالتي في المعادي والله ماكنت بروحلها علشان بترعب من الحكايات دي حتي ولو كانت مش حقيقيه
وفعلا كلامك صح ياماجنت هيه فعلا ممكن تكون عصابه
ووالله بقي ربنا يستر
ويحمينا ويبعدنا من كل شر