عايز تموت ازاى.................................

واحد سألني.. عايز تموت إزاي ؟

عاوز تموت شهيد
ياتركب طياره - ياتركب عباره

عاوز تموت م الجوع
.ياتشترى شقه - ياتشترى عربيه بالقسط

عاوز تموت م الحسره
ياتتفرج ع الفاترينات فى ستى ستارز - ياتروح زياره لمارينا

عاوز تموت م الغيظ
ياتتفرج ع القنوات المحليه - ياتتفرج ع النشره الجويه

عاوز تموت م الزهق
ياتستنى الأشاره لما تفتح - ياتستنى دورك فى الطابور فى التأمين الصحى

عاوز تموت م الهبل
يا تخش ع النت - ياتسمع نجوم الأف أم

عاوز تموت مخنوق
ياتروح مصلحه حكوميه - ياتقرا الجريده اليوميه

عاوز تموت مفروووس
ياتركب تاكسى - ياتركب دش

عاوز تموت مرعوووووب
ياتستنى نتيجه الثانويه العامه - ياتستنى نتيجه التحاليل عند الدكتور

عاوز تموت مشهور
ياتتجوز رقاصه - ياتنصب على بنك

عاوز تموت مليونير
ياتعمل فيديو كليب - ياتلعب كوره

عاوز تموت ورا الشمس
ياتشغل مخك - ياتفتح بؤك

عاوز تموت منكاد
ياترشح نفسك فى الأنتخابات - ياتخش ف أتفاقيه الجات

عاوز تموت م الحزن
ياتفكر دايما ف أحوالك - ياتحط الحكومه ف بالك

عاوز تموت م الضحك
ياتتجوز أتنين - ياتشتغل مع المجانين

عاوز تموت ف حالك
أعمل نفسك دايما....مش واخد بالك





عجبتنى و نقلتهالكوا

بجد حلوة اوى
تسلم ايديك
جامدة اوى

هههههههههههه تحفه يااهلاوي
ده احنا زمنا موتنا من زمان بقا
هههههههههههههه بجد رووووووووووووووووووووووووعه

شكرا يا بنات على ردودكم الحلوة اوى
التوبيك نور بيكوا