اصدقائى الشباب .. ده حوار بين واحد ونفسه .. بس خلوا بالكو مش نفس امارة بالسوء .. لا دي نفس مطمئنة ... ايوة مطمئنة لرحمة ربنا الواسعه اسيبكم للحوار
هو :سنين عمري وانا قاسي ومن ساسي لراسي ذنوب
انا خايف اموت عاصي ومش عارف احن واتوب
نفسه :تعالى لربنا وسلم ...وسيب القلب يتكلم
مايسمعش القلوب غيره مادمت صحيح بتتالم
------------ ---------
هو :عصيته وعمري ماخفته ومادريتش بحياة الخوف
عميت عن كل شئ عشته مع اني اتخلقت باشوف
نفسه :ومين في الدنيا ماغلطشي؟ ومين عن ربه مابعدشي؟
ماكانش هيخلق التوبه لو انت ياعبد ماعصيتشي
------------ --------- -
هو :سنيني كلها ضاعت .. ومش خايف ومش ندمان
ونفسي من زمان باعت .. لي دنيا الحرمان
نفسه :مادمت ندمت من قلبك.. ونويت تتوب عن ذنبك
ماتحزنش على امبارح .. وقوم صالح قوام ربك
------------ ---------
هو :انا عارف مفيش فايده .. انا ذنبي مالهش حدود
دي نار وفي قلبي انا قايده ... ومش طافيه لحد ما اموت
نفسه :شيطان وبيوهمك انك .. ماعادش خلاص رجا منك
مفيش في الدنيا دي قوة .. هتبعد رحمته عنك
الواحد ده ممكن يكون انا او انت او هو او هي
كل واحد فينا له ذنوب كتيييييييييييييييير
وبعد عن ربنا قوي قوي
اوعى تفتكر ان ربنا مش هيقبل توبتك .. ابدا ده بيقوللك بس انت إبدأ وهو يعينك
( ومن اتاني يمشي اتيته هرولا )
لسه بتاجل توبتك ؟؟؟؟ لسه مش عايز تقف بين ايديه وتقول له ... يااااااااااااااااااااااااااااااااااااارب محتاج رضاك .. انا لي مين سواك .. يارب محتاج رحمتك
لما تقول كده هتسمع بأذن اليقين
(مفيش في الدنيا دي قوة هتبعد رحمته عنك)
وبالله عليكم ما تنسوناش من دعائكم
الإثنين أبريل 16, 2007 3:27 am