احب اعرف نفسي.. وارسمها
واكسيها
واعرّيها
واورّيها كل ما فيها
واخبى الحلو عن نفسي
لتفرح يوم بما فيها
واحب اقعد مع نفسي.. واواسيها
واقضي ليلي ادلّعها
وساعات يمكن اولّعها
ويدوب الحق واطفيها
وساعات اصرخ
ده من ألمي
انا اصلي ماسك قلمي
ومسطرتي
وادواتي.. بخططها.. واظبطها
اهندسها.. والخبطها
بحاول اخترع حلمي
واقول يا نفسي لو شفتي
او اخترتي
انا غيرك.. انا نفسي
ماشوفش الاّ من طاقتي
وعيني هي اقلامي
واحلامي
وحلمي هوّا مشروعي
ومسموحى
وجورنالي.. ومنشوري
وحلمي ماكونش غير نفسي
انا مصري
انا مصري كريم العنصرين
انا القلعة.. انا المدنه.. انا الازهر
انا الاقدم.. انا الاكبر
انا مصري.. وده قصري
على نيلي.. على كيفي
انا نفسي
وانا عاشق كده نفسي
وعاشق ميّتي.. وطقسي
يامصر يا عشقى.. لو تقسي
نجوع.. نشقى.. ونتعارك
وعمرى ما اخون فى يوم نفسي
منقول
[color:24a6=#ff0000:24a6]من طـارق المملوك
[/center]
الثلاثاء أبريل 17, 2007 2:33 am
