هل يمكنك أن تحب شخص دون ان تراه

زائر

هل يمكنك أن تحب شخص دون ان تراه 62543ot7

موضوع قريته في إحدى المنتديات ونال إعجابي

وحبيت أنقله لكم واشوف رايكم ،،، وهو

هل يمكنك أن تحب شخصا دون أن تراه في حياتك ابداً

هل تستطيع ان تحب شخصا دون أن تراه مسبقا على الإطلاق؟

هذا سؤال يمكن طرحه على كل من لديه خبرة او تصور في هذا الموضوع...

جوابه يدعو إلى الحيرة.

هذه الحالة تنطبق على التعرف على شخص ما عن طريق الانترنت

سواء في المنتديات او التشات او الماسنجر ، او حتى من خلال محادثة هاتفية!!

هل التواصل عبر الماسنجر كافي للتعرف على الشخص

أم انك ضد هذا النوع من الحب..

وتعتبره تسلية وقضاء وقت وتعبئة فراغ لا أكثر..!!

هل تؤيد أو لا تؤيد هذا النوع من الحب..؟؟

وهل أحببت شخصا لم تعرفه ولم تراه ابدا في حياتك...؟؟

منقووووووووووووووووووووووووووووووووووووووووووووووووول

اه ممكن احب حد من غير ما اشوفه خالص
لانى اكيد من كلامه هعرفه وهتعرف عليه ممكن اكتر لو كنت قبلته واتعرفت عليه وجها لوجه
وممكن ييكون حب جاد فعلا
بس طبعا مش هيقف عند مرحلة بس هو اكيد هيتقدم وكل واحد هيثبت نيته
بجد توبيك جامد تسلم ايديك

ده يبقى حب مصالح

حب مصالح !!!
وهو انا كنت اعرفه عشان يبقى حب مصالح
!!!!!!!!!!!!!!!!!!!

انا بقول من وجهه نظرى يا اما حب مصالح او تسليه

على العموم ربنا يوفقك

هههههه يوقفنى يارب اه بس مش حب كدا
يوفقك انت فى حبك
انما انا معتزلة الحب بلا وجع دماغ
سلااام

حب ايه ما خلاص

زائر

طبعا ممكن يبقى حب علشان هقدر اعرف شخصيته كويس اوى و مش هتخدع بشكله

وكمان بيقولو القلب يعشق قبل العين

زائر

و الله يا جماعة

دى وجهات نظر

و انا من رأيى

المتواضع

ان ممكن يبقى حب

عشان الكتابة بتعبر بردو

عن الانسان اللى كتبها

و بتعبر عن مشاعره و احاسيسه

و بتعبر عن زوقه و اتجاهاته

بس للأسف

انتشر الكدب بسرعة

فى الانترنت

ممكن تقرا كلام انسان

تعجب به و بأفكاره

بس ممكن يكون الانسان عكس كده خالص

بيكتب كلام مش بيعبر عن نفسه

لازم ناخد حرصنا كويس

و شكرا يا جماعة على

ردودكم اللى منورة التوبيك

اولا شكرا للتوبيك ده تسلم ايدك بجد

الموضوع ده بجد بقا منتشر اوى

الحب عن طريق النت

انا بقا رايى بصراحه

ان الحب عن طريق النت او غيره

مش حب حقيقى وغير مبنى على اى اساس من الصحه

لان فيه ناس كتير اوى بصراحه بتقدر تخدع غيرها من خلال الكتابه مش بتبن الشخصيه على حقيقتها

وده بناءا على تجربه شفتها بنفسى

( مش ليا طبعا الحمد لله على ايامى مش كان فيه نت)

وفيه مثل بسيط اوى يوضح ده

تعرف فلان يقولك اه.. تقوله عاشرته.. يقولك لاء.. يرد عليه يقوله.. تبقى متعرفهوووووش

النت مش بيبين حاجة والله العظيم

صدقققونى انا

وطبعا دى من وجهه نظرى بس

ممكن الاقى حد يعارضنى بس هى دى الحقيقه المرة للاسف

سلااااااااااااااااااااااااااام

مش حد يزعل منى بقا اوكى
باى

بصراحه الموضوع فعلا فيه كلام كتير

بس بصراحه هو ممكن يحصل

بس مش هكدب عليكوا بيكون تعلق بس

الي ان الطرفين دول يتقابلوا و يحصل بينهم كلام و نقاش

يخليهم فعلا ينتقلوا من رمحله الاعجاب و التعلق الي الحب

اصل اللي بيحصل ايه لو عرفت واحده منالنت مثلا هتكون متعلق بيها اوي

يعني مثلا ايه ده دي دتدخل دلوقتي ؟؟؟

هي مدخلتش ليه ؟؟؟

تلاقي نفسك عايز تكلمها كده

بس كل ده مش حب

لان الحب جوانبه كبير قوي

و مستحيل يكون ده حب

هوة ممكن يكون اعجاب بتظهر معاه بعض اعراض الحب

بس ده مش حب خالص

بس لو عايز توصله لحب فعلا

العلاقه بينك و بين البنت دي تكبر

و يكون فيه كلام اكتر و مقابلات

علي الاقل تكون عارف دي مين

انما بجد كل ده وهم بس بيبقي لذيذ

و شكرا للموضوع الرائع ده يا ميزو

و اسف علي التاخير في الرد

و سلاموزكا هل يمكنك أن تحب شخص دون ان تراه 177828

انا بشكرك يا اهلاوى على الموضوع القيم ده

بس انا مش بقتنع بالحب عن طريق النت ده بيبقى تسليه بس حب بجد

معتقدش وحتى لو وصل لحب بس مش بيكون مبنى على قاعده ثابته بيكون مزعزع

كل واحد من الطرفين عنده نقطه خوف من الى ممكن يحصل بعد كده

حتى لو انشديت للكلام او لإسلوب معين وحسيت ان فعلا الإنسان او الإنسانه دى

كويسه طب ممكن تكون انسانه تانيه زى ما قلت كلام وشخصيه مختلفه تماما

بس الحب عن طريق النت معظمه بيكون فاشل

شكرا يا اهلاوى على الموضوع الجميل ده

يعنى تحصل لكن بتتعقد اكتر لو انا راسم للشخص دا صورة فى خيالى
ولما اشوفه الاقيه غيرها
كدا لالموضوع بيتعقد اكتر
علشان كدا لازم الواحد يتجكم فى مشاعره الى ان تكتمل الصوره ولكن ما يحبش جزء من الصوره

بس موضوع جامد يا ميزو
تسلم

زائر

العفو العفو يا جماعة

تسلموا ايديكوا على الردود

الاحلى و الاحلى

.............................

» .. يمكنك تصفح القران الكريم بالماوس