كل واحد يقول رايه بصراحة

سؤالي هو الحب الحب في المرحلة الجامعية ياترى حب بجد ولا مجرد اعجاب بين زمايل وبعد التخرج كل واحد يروح لوحده يكمل حياته عادي خالص؟؟؟

ولو اتقابلة تاني تكون بالصدفة ؟؟ انا عارفة أن في حب بيستمر حتى بعد الجامعة

ولكن كمان في اللي بيحب علشان في أعتقاده انه لازم يحب في الجامعة و ما يفوتش الفرصة دي منه وبعد كده متفرقش معاه و ينساها ويقابل غيرها ويحبها بردو وكده


يا الله يا جماعة كلو احد يقول رايه بصراحة

انا هاقول رايي بصراحه بس ايه رايك لو الموضوع ده اتنقل لقسم النقاش

اوكى بس هنا برضه دعوة للمناقشة

بصي ياميوي

انا هاقول وجهه نظري

اولا انا بحس ان الحب في الجامعه مجرد اعجاب وبس

لان لسه الولد فيها بيكون لسه بيكون مستقبله

بس يعني اغلبيته بينتهي بالفشل

بس وياتري انتي ايه رايك ؟

هقولك يا قمر
بصى يا ستى
هو فعلا فى راى ان اغلبه بيبقى فاشل و مش بيكمل
بس ارجع واقول مش كله برضه
لان اكيد بيبقى فى حب بجد
ولازم كل واحد يراجع نفسه ويعرف كدا ويشوف اذا كان هو هيقدر يستغنى عن الشخص اللى معاه او لاء
الحاجة اللى تزعل ان فى ناس كتير اوى عارفة ان حبها ده مش حب حقيقى وبتحب بس لمجرد الكلام

ده راى ان الواحد او الوحدة هما اللى بيحددوا حبهم وطبعا لازم الاختيار يبقى موفق مش اى حد وخلاص


ومستنية بقيت الاراء


نورتى التوبيك يا غدى

شكرا يا مى على الموضوع الجامد جدا ده
فعلا لازم نتناقش فى المواضيع المهمة دى
و أنا من رأيى المتواضع
ان الحب اللى فى الجامعة بين الولد و البنت بيكون مجرد اعجاب
بالشخصية بس لأن فى اعتقادى ان معظم البنات اللى فى الجامعة
بيتعرفوا لأول مرة على ولاد يعنى اى ولد بيشوفوه كويس يحبوه على طول
و مكن البنت تتعذب جدا لو مش مديها اى اهتمام ( تجربة شخصية ) .
اما الولد فالموضوع بالنسبة له لعبة او تسلية لأن الولد شغله الشاغل مستقبله و بس
و خلى بالكم من مستقبله و بس دى و مش هتفرق معاه حب واحدة او اتنين او تلاتة حتى .
و يا ريت البنات تاخد بالها من الناس دى كويس جدا جدا

ميرسى ليكى كتير يا مى على الموضوع الجيد جدا ده

والله بجد عندك حق فى كلامك ده
وبجد نورت التوبيك
وتسلم ايديك على الرد الحلو ده

ميرسى على مرورك

نورت التوبيك

تسلم ايديك على الرد الحلو ده

اولا لازم اشيد بالموضوع ده لانه موضوع حلو بجد يا مي
ثانيا الحب في الجامعه
انا ليا وجها نظر في الموضوع ده في حب بيدفع للامام لكلا الطرفين يعني موجود في حب بيستمر حتي لبعد الجامعه بس الحب اللي بيدفع للا مام الحب اللي بيبقي حب للروح انسجام وتالف روحين وقلبين وعقلين
روح واحده في جسدين
الحب ده موجود في الفتره الجامعيه وبعدها وهو الحب الحقيقي
وفي حب تاني انا بفضل اسميه عطش عاطفي او بمعني ادق ان الولد بيبقي حاسس انه بقي شاب والبنت بتبقي حاسه انها بقت انسه وكانوا مقضيين حياتهم السابقه في عطش عاطفي يا دوبك اصدقاء واصحاب ثم دخلوا المجتمع المفتوح فحابين يعيشوا مسئوليه الحب ويحسوا بيه فاي اتنين اعجبوا ببعض ولو عن طريق الشكل بتلاقيهم عاشوا قصه حب وفي الاخر بتفشل وبتبقي اتحسبت تجربه علي كلاهما وبعدها بشهر لما بيفتكروها ممكن يبكوا وبعدها بشهرين بتلاقي تعبير خاوي علي الوجه اي تعبير بلا انفعال ثم بعد شهر اخر بتلاقي ضحكه تقطر مراره علي الوجه وبتلاقي كلمه خلاص لا كل واحد راح لحاله ثم بعدها بسنه او اتنين بتلاقي الولد او البنت لما بيفتكروا بيضحكوا علي نفسهم ثم يذهب الامر في طي النسيان وخضم بحر الحياه الواسع ابتلع الموضوع باكمله وبقت في ذكري بسيطه لايام الجامعه بس وفي حب عذري يعني حب من كلا الطرفين لكن حب هادئ ساكن سكون اللليل حب رقيق الشاب والبنت بيحبوا بعض في صمت وبيكتفوا بنظرات الحب بس لانهم خايفين من مسئوليه الحب لو حد صارح التاني امتي بقي بيصارحوا بعض لما بيكونو اطمنوا علي المجهول اللي هو المستقبل وبتلاقيهم خدوا خطوات جاده وايجابيه
وفي بقي حب التنفيض يعني ايه يعني حب الصياعه بقي الاخ بيحب اي بنت قدامه من اجل التملك مش اكتر من اجل انه يقول لا صحابه في اخر اليوم تعرف يا بني انت وهو انا انهارده علقت اربع بنات ده بقي تقوله انت معندكش اخوات بنات ممكن يحصل مع اختك كده يرد ويقولك لا معنديش مطمن البيه ماهو ممكن يجيب بنت ويبقي يورينا الفقاقه بقي
وفي الحب ده برضه في البنات بتبقي تتعرف علي الشاب عشان عايزه تمارس سلطه الحب والارتباط بس يعني عايزه تقوله متكلمش دي ما تخرجش مع ده ما ما ما كلمه ما اللي مش بتنتهي دي بتبقي عايزه تحس بالحب التملكي انها امتلكت الحب لانها بتبقي عايزه تحس بنضجها وبانها كبرت ومن حقها يكون في ايدها سلطه ولو حتي في الحب
وفي وفي وفي
بس اهم شئ في ده كله الحب الحقيقي اللي لو الواحد لقاه ميسبوش من ايده ابدا
ولازم المستقبل المستقبل المستقبل الدراسه لان هي دي الحاجه اللي اللي تقرب منك حبيبك لان بمستقبلك بس هتقدر توصل لحبيبك الدراسه والمستقبل هما قوه الحب وقوتك انت كشخص في مواجهه القدر والتحديات اللي بتقف قدام اي حب
سوري لو طولت بس موضوع جامد يامي اتمني يكون ردي غطي التساؤل
تسلم ايدك علي الموضوع

انت اللى تسلم ايديك

بجد رد جااااااااااااااامد جدا

وكل الحالات اللى قلتها ديه فعلا موجودة

ولازم فعلا لما نلاقى حب حقيقى منسبوش ابدا

والاهم فى الفترة ديه المستقبل

بجد ردك حلو اوى

تسلم ايديك على الرد المفيد ده

اولا الحب ملوش سن او مرحلة معينة
يعنى بيجى فجاءة بس اعتقد هو فى حب فى مرحلة
الجامعة بس نجاحها او فشلها
دة يرجع يعنى للولد والبنت الى مرتبطين
وانا مع رائى سفير الحب

وميرسى على التوبيك والموضوع الهائل دة