فرفشه رمضانيه جدا جدا مع احمد ومني

السطور القادمه القادمه تحمل لك دردشه بين شاب وفتاه
دردشه عاديه جداااا يمكنك ان تسمعها في اي بيت مصري في الليله السابقه
لدخول شهر رمضان ونحن ندعوك للاستمتاع لهذه الدردشه

فهل تقبل الدعوة ؟

مني ... الحكايه ياجماعه بتبدأ من قبل 29 شعبان لكن بتسخن يوم 29 شعبان لما بتكون ماما شايله كل حاجات البيت
الستائر والسجاد وكل حاجه في مكان واحد في انتظار مدفع الترتيب
وفي بعض الاحيان بتكون شايله الاكل كمان بحجه ان رمضان جي ارحموني من كل يوم اكل كفايه هدت الحيل اللي جايه ....
وبتيجي اللحظه الحاسمه يوم ظهور المفتي علي شاشه التلفزيون يوم 29 شعبان ويكون الاهالي كلهم مفترضين ان شهر رمضان
كامل ... فيجي المفتي ويقول ( اليوم هو المتمم لشعبان وغداا هو اول شهر لرمضان
وهو يقول كده والدنيا تتقلب في الشوارع والبيوت ...ليه ... ماتعرفش ؟؟!! مع انهم عارفين ان رمضان جي جي بكره او بعده بس جاي !
وبسرعه تلااقي التليفونات مشغولهع محمول عادي والشبكه مش موجوده وتلاقي ماما قامت واصدرت الفرامانات بالتنظيف ... والترتيب
والمسح ... وتركيب الستائر ... وفرش السجاد... وتحضير اكل السحور وتحضير اكل

الفطار لبكره.

وماادراك ماهو فطار اول يوم وليمه !! وكأننا ماكلناش بقالنا سنه او كأننا ملوك وتقوم ماما تكلم البعيد والقريب
وتعمل جدول طويل وعريض للعزومات من بره وجوة يعني عندنا وعند غيرنا يعني تعب وخراب بيوت والحكايه
كلها بتيجي علي راس البنات علشان هما اللي بيتعبوا في الليله دي

احمد ..... ياسلام ..علي اساس ان الولاد بينزلوا الشوارع وماسكين الفوانيس وبيقولوا( وحوي ياوحوي) الكلام ده كان زمان
زمان اوي كمان ده احنا واحنا اطفال صغيرين كنا بننزل نلف علي البيوت علشان نلم فلوس زينه رمضان وده يدفع
وده ميدفعش وده فاكرنا جايين ناخد العيديه مع اننا في وقفه رمضان !! وبعد كده نتحايل علي
عم رجب البواب علشان يدينا السلم علشان نعلق الزينه وما يوافقش غير لما نديله 2 جنيه من الفلوش اللي لمناها
حتي الايام دي راحت وجت ايام الشقا ايام طوابير الزبادي والفول ( مش كفايه طوابير العيش اللي بنقف فيه طول السنه ) وكله
كوم وبتاع الفول ده كوم تاني وبالذات بتاع الفول اللي قريب من بيتنا الناس عنده واقفين طوابير طوابير وهو بينظر لهم
باحتقار وقرف وكل فين وفين لما يشوف طلباتهم بعد مايشوف طلبات البهوات اللي واقفين بعربيات اللي جايين من اخر الدنيا
علشان ياكلوا عنده يوم الوقفه وعلي فكره احب ااقول ان الاكل عند بتاع الفول ده بالطوابير بردو وبالدور
فبتبقي ان واقف وبتاكل في امان الله وحواليك ناس محترمين بيصولك جامد وكانهم بيقولوا

( كل بسرعه) او

( مش لازم تمضغ ابلع علي طول) و ( خلص علشان نتسحر احنا كمان ) بالمناسبه
احب اوصف للك المشهد بالتفصيل في الشوارع وخاصه الشارع اللي فيه بتاع الفول اياه بتاع الفول ده اساسا علي ناصيه يعني شارعين
واحد منه احتله علشان يحط فيه الترابيزات ويركن فيه عربيات الزباين والشارع التاني محتل نصه بس لان النص التاني محتله واحد بتاع
في اخر الشارع فتصور حجم المعاناه اللي بعانيها علشان اوصل من وسط الترابيزات لبتاع الفول او بتاع اللبن اللي فنفس الشارع
فعلا الحياه صعبه في يوم الوقفه وبتبقي اصعب في اول يوم رمضان الخضار والمخلل والتمر هندي وكل حاجه بتختفي
ده انا حتي فكرت انصح ماما تعمل المخلل والزبادي في البيت ... واني ازرع علي سطح

بيتنا فول

مني .. تصدق ان دي فكرة حلوة .. اننا نعمل اكتفاء ذاتي
احمد.... لا ده احنا ممكن نصدر .. ااقصد نبيع اللي بنعمله
مني ... طيب تعالي نشوف ايه اللي بيبقي مطلوب في البيت المصري
احمد ... كل حاجه في رمضان بتبقي مطلوبه وناقصه علشان كده احنا هنبيع كل حاجه ناقصه من اول الزبادي لحد الخضار
مني ... طب رمضان الجاي هيبيق شكل تاني (نيولوك ) مافيش مسلسلات ولا كورة ولا

خيم رمضانيه

احمد... خيم رمضانيه ايه ؟ دي خراب بيوت مافيش احلي من مشاريع رمضان انا هكلم صحابي الولاد علشان المشروع ده
ان شاء الله نبيع خضار هنبقي كسبانين
مني ...صح انتوا هتبقوا كسبانين طب احنا البنات هنعمل ايه ؟
هنقعد في البيت
؟؟؟؟؟؟؟؟؟؟؟؟؟؟
احمد .... خلاص انزلوا ساعدونا علشان نزود الانتاج وبالمرة تجيبوا تمن هدوم العيد
مني ..... هدوم العيد!!! طيب قولي هنفذ المشروع ازاي ؟؟
احمد ... اكيد بالجهود الذاتيه نقف بعربيتين قدام اي بيت من البيوت ونبيع اي حاجه
مني .. برضه مينفعش
احمد... ليه
مني .... محتاجين تمويل
احمد... خلا البركه في ست الكل ماما
( صوت عالي ياتي من المطبخ)
بس ياولد انت وهي مفيش مشاريع وكلام فارغ من ده كفايه خراب بيتنا من شرا ياميش رمضان وخزين رمضان... ثم اعملوا
اللي عليكم في بيوتكم الازل ...هو انتم نافعين جوة علشان تنفعوا بره
وعلي راي المثل

( جوة وبره فرشت لك وانت مايل وايه يعدلك!)

احمد ... كده حلو اوي بلاش مشاريع وبلاش طموح واحلام وبلاش فول وزبادي سيبك من ده كله
وتعالي نعمل زي كل سنه
مني ... يعني ايه ؟؟؟
احمد.... يعني البنات يقعدوا في البيت يشوفوا هيجي ايه في التلفزيون والاولاد يلعبوا كورة في الشارع
وكل واقفه وانتم قاعدين ما بتعملوش حاجه

(منقووووووول)

ليه كل التعب ده بس

وبعدين مش البنات بس الي بتتعب

احنا برده بنتعب
بنفعد نستني الاكل الي البنات بيعملوه وكده

هههههههههههههههههههههههههههههههههههههههههههههههه

بجد موضوع جميل يا غدي

ههههههههههههههههههههههههههههه


عندك حق وياريت بتكونوا قاعدين ساكتين

لا يالا بسرعه

الاذان هيأذن

لحد ماوجعتوا دماغنا

هههههههههههههههههه

ميرسي ليك كتير علي ردك الجامد ده

هايلة يا غدى بمواضيعك الاجامدة ده والله تسلم الايادى