بصو بقا انا عندى مشكله صعبه مووووووت يريت تحلوهالى

انا دلوقتى بحب بنت بس هيا هماها الاول والاخير دراستها المفروض انها بتحبنى بس مركزه فى دراستها من اربع سنين
ودلوقتى فيه بنت انا معجب بيها بس مش عاوز اقولها اى حاجه علشان اتاكد من مشاعرى وخايف اظلم واحده فيهم

بوص انا هرد عليك لحد ما يجي الدكتور عمتا

بوص انا مش فاهم حاجه من كلامك قوي

دلوقتي انت المفروض بتحب واحده بس هيا بتفكر في دراستها و ماجله الموضوع

طبعا دي انسانه تنحترمها و نقدرها

تمام

بعد كده بتقول انك اعجبت بواحده و مش عايز تقولها لحد ما تتاكد من مشاعرك

برضه انت كده بتفكر صح

شوف بقي هل انت بتحب الاولانيه ولا التانيه

و علي فكرة لو بتحب الاولانيه دي يبقي مستحيل انك تفكر في واحده تانيه غيرها

موضوع بقي التانيه دلوقتي

اوعي تقول كلمه دلوقتي

انت اكيد دلوقتي تفكيرك مش مظبوط عشان تقول للتانيه انك بتحبها

لانك كده بتظلمهم هما الاتنين زي مانت بتقول

و ممكن تفتح لنفسك نار انت مش قدها

فاصبر كده و فكر شويه

و ان شاء الله هتوصل لحل

و استني راي الدكتور

و شكرا

مشكلة كتب:: انا دلوقتى بحب بنت بس هيا هماها الاول والاخير دراستها المفروض انها بتحبنى بس مركزه فى دراستها من اربع سنين
ودلوقتى فيه بنت انا معجب بيها بس مش عاوز اقولها اى حاجه علشان اتاكد من مشاعرى وخايف اظلم واحده فيهم

والله يا اخ مشكله
انا مش عارف اقولك ايه
بس اولا
انت مشتت المشاعر
بمعنى
انك انت نفسك مش عارف انت بتحب مين فيهم
واللى بيحب بجد
لازم يضحى انما انت كده بتحسسنى انك
عايز ترتبط باى واحده والسلام
لانك بتقول انك بتحب واحده وهى بتحبك
بس هى مهتمه بدراستها اكتر
وبعدين قولت انك معجب بواحده تانيه
ولسه متردد فى انك تفاتحها لحد ما تتاكد من مشاعرك ناحيتها
بس فى الاول وفى الاخر
حل مشكلتك كلها
يتوقف على حاجتين اتنين بس
اولهم انك تسيبك من اللى انت معجب بيها دى
مادام اللى انت بتحبها هى كمان بتحبك
بس هى مهتمه شويه بدراستها هى عندها حق
ولازم انت تستنى لغايه ما تخلص دراستها وبعدين تروح تتقدملها
وتخطبها

وكمان لازم برده قبل ما تاخد اى خطوة تتأكد كويس
ان الاولى فعلا بتحبك بس هى مستنيه لما تخلص دراسه
اما اذا كان بقى هى عايزة تتهرب منك وواخده حكايه الدراسه دى حجه ليها
فلو كانت هى بتفكر كده فعلا
يبقى انصحك انك تسيبك منها خالص علشان متضيعش سنين عمرك معاها
وياريت يا مشكله لو فيه اى تفاصيل ذياده
علشان اقدر اساعدك اكتر

تقبل فائق احترامى وتقديرى
دكتور الحب

زائر

واضح من كلامك انك مبتحبش الاولانيه خالص والدليل على كده انك حبيت او اعجبت بواحده تانيه ومش عارف تختار بينهم وانا بصراحه شايفه انك لسه متمسك بالاولانيه علشان خايف انك تندم بعد كده وتحس انك اخترت غلط ..........الاختيار فى اديك بس حاول متظلمش الاتنين وحاول تعرف انت بتحب بجد ولا مجرد اعجاب وانت متصور انه حب

بكل صدق أحب أن أقول لك لا تفعل ما يقولون من كلام لا يفعل شيئ ولكن أفعل ما يقوله

قلبك ولو لا يتكلم ولك هل انت تفكر فى واحدة أكثر من الثانية هل تكن دائما مشغول

بواحدة عن الأخرا هل حياتك أجمل مع هذة أم الأخرا ومن الأجابة عن هذة الاسألة سوف تعرف

من تكسب ومن لا تكسب

فكر فكر فكر سوف تجد الحل