بليز ردو عليا انا مش عارفه اعمل ايه

هاى انا عارفه ان موضوعى غريب شويه كتير بس انا عشان مش عارفه اتصرف لوحدى فهحكيلكو وانتو قولولى راىكو انا فى واحد اعرفه يعنى مكناش قريبين من بعض اوى وحتى مكنتش بحب اتعامل معاه فلاول بس لما قربت منه واتعاملت معاه اكتشفت انى مش بحبه لا انا بعشقه وصارحته بطريقه غير مباشره انى بحبه وعرفت ان هو بيحب واحده انا اعرفها وحاولت انساه بس معرفتش فقولت خلاص لو هو هيبقا مبسوط وهو بيحبها وبدات اقرب بينه وبينها لان كنت حسه ان ده بيفرحه مع ان وانا بعمل كده كنت ببقا مخنوقه من جوايا اوى وحسه اى بظلم نفسي بس كنت بفرح لانه فرحان بس انا بحس ان البنت الى هو بيحبها ساعات كتير بتخدعه هو صعبان عليا ومش عاوزه اقوله عشان مجرحوش ودلوقتى بقيت انا وهو قريبين اوى من بعض ونعرف عن بعض كل حاجه تقريبا وانا راضيه انى اقف جنبه طول العمر لانى بحبه ومش قادره انساه وبجد انا مش عارفه اعمل ايه انا بتبسط اوى لما ببقا معاه فاى حته وساعات بعمل حاجات ممكن متبقاش صح اوى عشان خاطره وانا راضيه بس بفكر وبعدين اخر الموضوع هوصل لايه مش بلاقى اى حل بليز انا محتاره ومش هقدر ابعد عنه لانى حاولت وفشلت وبحاول ساعات كتير انى اخلى حبى ليه يبقا صداقه بس حسه الموضوع صعب ومش عارفه بليز ردو عليا باى باى

اولا ميرسي اوى يا ادمين على انى تعبتك معايا وبتحاول تفكر معايا على حل لمشكلتى الغريبه دى وثانيا بقا صدقنى انا فعلا بحاول كتير اوى انى انساه بس والهى مش بعرف وبقول طيب لازم الموضوع يتحول لصداقه وبضحك على نفسي واقول ان اه بقا الموضوع صداقه بس لما بقعد واصارح نفسي بلاقى ان انا حبي ليه مش بيتغير ولا بيقل وبعدين والهى انا بحاول فعلا اجذبه ليا بس هو مش شايف قدامه غير الى هو بيحبها والهى هى لو كانت كويسه كنت هقول اهه هو مبسوط وهى كويسه وخلاص لكن هى ساعات كتير بتخدعه وخايفه احاول اقوله يفتكرنى بوقع بينهم واخسر وانا مش هستحمل انى اخسره لان لما بتحصل اى حاجه صغيره ممكن تزعله منى بس ببقا هتجنن انا عارفه ان الموضوع غريب بس ياريت تستحملونى للاخر لان بجد محدش متخيل الموضوع واسفه لو طولت

وشكرا اوى يا سيكاميكا على الرد بس بجد والهى مش عارفه انسا انى بحبه انا انا عملت حاجات كتير ومش عارفه انسا حبه ووصلت لدرجه انى بدعى ربنا دايما انه ينسينى الحب ده وانه يبقا صداقه بس وبرضو مش عارفه انسا ازاى

بجد شكرا على ردودكو يا جماعه وبجد مش عارفه كنت هعمل ايه منغيركو
انا اسفه لو كنت اتاخرت فلرد عليكو بس كنت الايام الى فاتت دى بفكر فكلامكو ومش عارفه اخد قرار وقلت انى مش هرد غير لما اخد قرار لان الى هقوله هو الى هعمله وانشاء الله ربنا يساعدنى ومش هرجع فكلامى
وميرسي اوى يا ادمين بس صعب اوى فكره انى ابعد عنه بسبب ان احنا الاتنين تقريبا بنبقاساعات كتير فمكان واحد مع بعض طول النهار فمينفعش ابعد
ويا سيكى ميكى ميرسي اوى على زوقك وردك ده
وانتى كمان يا رحاب وياريت اقدر اتغير واخلى حبي ده اخوه زيك كده
بس انا بجد يا جماعه قررت انى هحول حبي ده لصداقه وحتى لو كان صعب فانا لازم اجى على نفسي واعرف احول حبي لصداقه لان فعلا انا لو فضلت احبه كده هفضل واقفه مكانى مش بتحرك وانشاء الله ربنا هيعينى وادعولى كلكو لان انا حسه ان الموضوع صعب اوى بس انا لازم اعمل كده لانى مش لاقيه اى حل تانى

ياااااااااااااااااااااااااااااااااااااااااااااه
بجد ربنا معاكى

الحمد لله انى ما مرتش بلمو قف دة بس انا نفسى انصحك نصيحة ويارب تعجبك وصدقينى لو عملتيها هتقطعى شوط كبير قوى
ابعدى عنهم كلما استطعتى لانك لما تقربيهم من بعضهم مش هتنسى ابتعدى عنهم وخصوصآ لما يكونو مع بعضهم
حاولى تشوفى فى حبيبك اى حاجة وحشة لان ال بيحب بيشوف ال بيحبة ملاك من السماء اكيد هتلاقى فية حاجة وحشة هتحسى انة قل فى نظرك وهى دى البداية يوم وراء يوم هيقل فى نظرك لحد لما تحس انك مش عيزاة وما تنسيش ما تحوليش تشوفية كتير