حد فيكو فكر ازاى الام بتعامل عيالها وياترى بتفرق فلمعامله بينهم ولا لا طيب شوفو كده الى فكرو فلموضوع ده لاحظو حاجات كده انتو شوفو ايه رايكو فيها
الملابس
الطفل الاول: تلبس هدوم الحمل من اول لما تعرف انها حامل.
الطفل الثاني: تحاول اتلبس هدومها العادية لاطول فترة ممكنة.
الطفل الثالث: هدوم الحمل هي هدومها العادية اليومية
---------------------------------------------------------------------------------------
الاعداد للطفل
الطفل الاول: كل دقيقة تغيير للطفل.. وتحاول تخلي ريحته حلوة.
الطفل الثاني: كل ثلاث ساعات.
الطفل الثالث: لما ريحته تطلع.
-------------------------------------------------------------------------------------------
القلق
الطفل الاول: من اول خبطة تجري عليه و تشيله.
الطفل الثاني: تشيله لو حست ان خلاص فيه عربية حتخبطه.
الطفل الثالث: احسن..علشان تتربي... خلي العربية تدوسك.
----------------------------------------------------------------------------------------------
الاكل
الطفل الاول: ترمي اى حاجة تقع على الارض.
الطفل الثاني: تغسلها بشوية مية.
الطفل الثالث: تمسحها فى هدومها
----------------------------------------------------------------------------------------------
الفسح
الطفل الاول: الملاهي... المراجيح..النادي.
الطفل الثاني: النادي.
الطفل الثالث: السوق.
-------------------------------------------------------------------------------------------
الخروج
الطفل الاول: تسيبه مع اختها و تتصل تطمن عليه كل خمس دقايق.
الطفل الثاني: تسيبه مع اختها... و هي على الباب تفتكر تسيب رقم
التليفون بتاع المكان اللي هي رايحاه.
الطفل الثالث: تسيبه مع أى حد.. مع تحذير بان محدش يتصل بيها الا فى
حالة يكون فى الموضوع دم.
---------------------------------------------------------------------------------------------
فى البيت
الطفل الاول: كل دقيقة تتفرج على ابنها وهو نايم.
الطفل الثاني: من وقت للتاني تتاكد ان ال*** ماكلش دراع الولد.
الطفل الثالث: تستخبي منهم على قد ما تقدر
-------------------------------------------------------------------------------------------------
لو بلع شلن
الطفل الاول: تطلب عمل اشعة للولد.
الطفل الثاني: تقلق شوية عليه ، وتستنى وتشوف هيبلع الفلوس ويهضمها
ولاَّ لأ؟
الطفل الثالث: تخصمه من مصروفه
يارب يكون الموضوع عجبكو ومستنيه ردودكو بقا
الخميس مارس 15, 2007 1:40 am
