والله يادودي انتي تعبتيني
باسألتك دي بس اعمل ايه ما باليد حيله
هجاوب وامري علي الله
1_هل انت تفعل ما تقوله هنا بالمنتدى ؟
اكيد انا مش بكتب حاجه الا ماكون مقتنعه بيها او بتنبهني لحاجه يعني نوعا ما هيه حاجه واحده بس من اللي انا كتبتهم ولسه مش بعملها كلها وهيه المحاسبه اليوميه بس هاحاول ان شاء الله
2_ اعتذار تريد ان تقدمه لمن؟
ايه الاحراج ده بقا
مممممم ممكن لاي حد غلط في حقه
3_ ما ردة فعلك عندما يقول لك حبيبك : أحبك نعم أتزوجك لا ؟
ههههههههههه ساعتها اقوله ولا اعرفك لان اكيد كده يبقا تسليه
او علي رايك النمرة غلط يالهوي لو حصلت
4_ ماذا ستكتب لنا لتعبر عن حياتك التي عشتها الى الان في كلمات قليلة ؟
بصي انا الحمدلله حياتي كويسه بس انا اللي بكون فيها قلقانه وخايفه و متوتره من كتر اللي حصلي
5_ اذا اردت ان تبكي الان , فعلى من تبكي؟
يووووووووة بقا علي فكرة مش وقته خاالص علي جدي وصحبتي الله يرحمهم
6_ من ستختار ليمسح دموعك ؟
ممممممم ههههههه لالالا كده كتير هاختار..........
7_لو خيروك بين حبيبك وبين اعز صديق فمن تختار ؟
يانهار طبعا اختيار صعب جدااااا انا عن نفسي هختار الاتنين ماينفعش اختار واحد وهدي النفوس الله يكرمك
8_ماهو تقييمك لهذا المنتدى بصراحة ؟
كويس بس الناس فيه قليله جدااا وهما كام واحد بس اللي شغالين بس والله منتدي زي العسل لان لو مكنش عجبني مكنتش استمريت فيه
9_ من يسكن قلبك؟
بصي ياستي انا قلبي عماره هههههههه ساكن قلبي هما الناس اللي بحبهم و كل واحد ليه ركن في مكان حساس
10_ هل تعتقد ان حظك سيئ؟
الحمدلله لا
11_ هل تدخل الشات ؟
اه مع اصحابي وكده بس حاليا قليل وقد يكون نادر لان المنتدي تقريبا هوة اللي بقعد عليه في وقت رستي ومش يبقي منتدي وشات كده تبقي خربت
12_ هل هزمك حزنك في يوماً من الايام؟
لا الحمدلله برضي باللي كتبهولي ربنا بس لما بحزن علي حد عزيز ببقي خلاص بقول ان مافيش امان للدنيا بعده بس برجع تاني طيبه بعيد عنك
13_ ((مستحيل انساك)) لمن تقولها ؟
جدي وصحبتي الله يرحمهم
و.........
14_ (( انت كل شيء بحياتي )) لمن تقولها ؟
مامتي
15_ متى اخر مرة بكيت؟
يوم وفاه جدي وصحبتي ماكفايه بقا ده انتي دوستي اوى
16_ اي الدول تتمنى ان تزورها ؟
ايطاليا ماتسأليش مش معني
17_هل لديك الجرأة ان تقول عمرك أمامنا ؟
هههههههههههه تلات الاف عاما وسته وتسعون يوما ودقيقتان
16 قريب جايه 17 ان شاء الله
18_هل انت راضي عن نفسك ؟
الحمدلله السؤال ده صعب جدااا قبل كده كنت مش راضيه ومكنتش عارفه ليه لكن الحمدلله دلوقتي اه ويارب دايما
19_ اغمض عينيك دقيقه لو سمحت, ماذا خطر على بالك وانت مغمض العينين ؟
.............ايه الاحراج ده بقا
20_هل تؤيد الزواج العاطفي ام الزواج التقليدي ؟ ولماذا ؟
لا العاطفي
تقليدي ايه يابنتي احنا في القرن التلاتين دلوقتي مابتفتحيش النشره ولا ايه
21_ايهما اهم شهادتك الجامعية أم الزواج ممن تحب ؟
الشهاده طبعا وده سبب ماساتي بعيد عنك حياتي عذاب
22_ هل من الممكن ان تتحول الصداقة الى حب ؟
ممكن جداااا لكن صعب ان الحب يتحول للصداقه ويكاد يكون مستحيل
23_هل تعترف بشيء اسمه الصداقة بين الرجل والمرأة ؟
لا انا عن نفسي مش بفضلها بس لو كان بم يرضي ربنا كان بها غير كده لا
24_هل انت مدمن تفكير؟
للاسف اه تفكيري ده هايجنني كل شويه عماله افنكر افنكر بس في حاجات مفيده والله مش هلس يعني
25_ من هو اكثر شخص تفكر فيه؟
بحلم بيك انا بحلم بيك مش هاقول لانك تعمقتي اوي الله
26_هل تكره شخص بشدة في حياتك ؟
انا عمري ماكرهت حد بس ببعد وبتجنب وبعامله زي اي انسان عادي ممكن تكون صحبتي
27_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
بصي انا اشتركت قبل كده في متتديات كتييير بس كنت بحس انها مليانه ناس ومواضيع كانت جامده بس احلي حاجه هنا في المنتدي انه فيه ناس زي العسل مامرش عليا زيهم في اي منتدي وكمان ان شاء الله هايكبر
28_ماالذي يلفت انتباهك بسرعه في الشخص لكي تعجب به ؟
جنتلته تعامله مع الناس طريقه كلامه اسلوبه في التفكير مكانته ايه بين اصحابه هل هو مودود محبوب ام مكروة كده يعني تافهه ولا رزين كده يعني
29_ حكمة تؤمن بها جدا؟؟
هههههههه زاكر تنجح غش تجيب مجموع
لالالا خير الامور الوسط
30_ عاده تفعلها دائما ولكن تتمنى ان تتركها ؟
العصبيه وضرب القطط لاني بخاف منهم بعيد عنك القطط بقت غبيه اوي اليومين دول
31_ ماهو اجمل اسم لولد واجمل اسم لبنت من وجهة نظرك؟
اجمل اسم ولد باسل واجمل اسم بنت ضي
32_ هل انت من لديهم رغبة حب التملك واذا تملك الشيء اصابه الملل منه ؟
لا انا مش منهم واذا تملكت شئ بعرف ازاي بطرقتي اني اتبسط بيها وابسط اللي حواليا بيها
33_ كلمه لصاحب الموضوع بصراحة ؟
خنقتيني خليتي وشي يحمر وافايا يخضر وعيني تصفر حولتيني لبلته الوان انتي..........
سكر والله وربنا مايحرمنا من مواضيعيك الجباره دي يادودي وتسلم ايديكي يادكتوره
دودي يالا مافيش وقت جاوبي ياقمر
الإثنين مارس 26, 2007 10:51 pm
احمد 
